Eid ul Azha and delicious dishes

ملک بھر میں اس سال 7 جون کو عیدالاضحیٰ کا تہوار منایا جائے گا۔ یہ دن مسلمانوں کے لیے نہایت اہم اور خاص ہوتا ہے۔

مٹن بریانی: جب تہوار بکرا عید کا ہو اور مٹن بریانی نہ بنے، تو کچھ کمی سی محسوس ہوتی ہے۔ ثابت مصالحے، زعفران، دیسی گھی اور نرم و رسیلے گوشت کے ساتھ بنائی گئی بریانی سب کا دل جیت لیتی ہے۔ اس کا اصل ذائقہ تب آتا ہے جب گوشت کو اچھی طرح میرینیٹ کیا گیا ہو اور دم پر رکھ کر ہلکی آنچ پر پکایا گیا ہو۔

سیخ کباب: سیخ کباب کو اسٹارٹر کے طور پر بھی پیش کیا جا سکتا ہے۔ بکرا عید پر اپنے مہمانوں کی خاطر تواضع سیخ کباب سے کریں۔ آپ انہیں پہلے سے تیار کر کے رکھ سکتی ہیں۔ اگر ان کے ساتھ چٹنی بھی پیش کی جائے تو ان کا ذائقہ کئی گنا بڑھ جاتا ہے۔

یخنی پلاؤ: جو بھی نان ویج کھاتا ہے، اسے یخنی پلاؤ ضرور پسند آتا ہے۔ یہ ڈش بھی آپ پہلے سے تیار کر سکتی ہیں۔ اسے بھی مٹن کے ساتھ بنایا جاتا ہے۔ یخنی پلاؤ کے ساتھ رائتہ اور مصالحے دار گریوی لازمی پیش کریں، یہ اس کے ذائقے کو دوبالا کر دے گی۔

مٹن قورمہ: بکرا عید کے موقع پر مٹن قورمہ بھی بہت پسندیدہ ڈش ہوتی ہے۔ گہری مصالحے دار گریوی میں پکا ہوا قورمہ، نان یا روٹی کے ساتھ بے مثال لگتا ہے۔ اس میں دہی، پیاز، مصالحے اور دیسی گھی کی خوشبو اسے مزید لذیذ بنا دیتی ہے۔ اس لیے اس موقع پر یہ ڈش بھی ضرور بنائیں۔

شیر خرما; جب بات تہوار کی ہو، اور میٹھا نہ بنایا جائے، تو مزہ ادھورا رہ جاتا ہے۔ ایسے میں شیر خرما تیار کریں۔ دودھ، سویاں، کھجور، خشک میوہ جات اور زعفران سے بنی یہ ڈش عید کی شان ہوتی ہے۔ اسے وہ لوگ بھی شوق سے کھاتے ہیں جو نان ویج نہیں کھاتے۔