آواز دی وائس، سری نگر

جموں و کشمیر میں ہونہار کھلاڑیوں کی  کمی نہیں ہے، مختلف کھیلوں میں آئے دن اس خطہ کے کھلاڑی قومی اور بین الاقوامی سطح پر اپنی کارکردگی کا مظاہرہ کرتے ہوئے دکھائی دیتے ہیں۔ ان میں تائیکوانڈو کھلاڑی دانش منظور بھی ایک ہیں، جنہیں فٹ انڈیا موومنٹ کا برانڈ امبیسڈر بنایا گیا ہے۔

بچپن میں بروس لی اور جیکی چین سے ان کی محبت ایسی تھی کہ وہ گھر پر ان کے ایکشن سیکوئنس آزماتے تھے۔ تاہم وہ یہ نہیں جانتے تھے کہ مارشل آرٹ میں یہ دلچسپی انہیں ایک دن ہندوستان کی فٹنس مہم کا چہرہ بنا دے گی۔25 سالہ دانش ہندوستان کی فٹ انڈیا موومنٹ کے امبیسڈر یعنی سفیر بننے والے پہلے تائیکوانڈو کھلاڑی بن گئے ہیں۔ تاہم وہ یہ کارنامہ انجام دینے والے جموں و کشمیر کے دوسرے کھلاڑی بن گئے ہیں۔ ان سے قبل ووشو کوچ کلدیپ ہنڈو کو 2020 میں فٹ انڈیا موومنٹ کا سفیر مقرر کیا گیا تھا۔ 

دانش منظور نے کہا کہ مجھے فٹ انڈیا موومنٹ کے سفیر کے طور پر مقرر کیا گیا ہے۔ مجھے امید ہے کہ لوگوں کو فٹ اور صحت مند زندگی گزارنے کی ترغیب ملے گی۔ مجھ جیسے کھلاڑی کے لیے اس تحریک کا چہرہ بننا ایک بڑی ذمہ داری ہے۔

محض ہندوستان کا فٹنس ماڈل اس کا واحد مقصد نہیں ہے۔ اب وہ پیرس میں ہونے والے اولمپکس 2024 کے مقابلے میں حصہ لینے کے پریکٹس کر رہے ہیں۔ دانش منظور کہتے ہیں کہ اولمپکس میرا واحد ہدف ہے اور میں اس کے لیے بھرپور کوشش کر رہا ہوں۔ اس ہدف کو حاصل کرنے کے لیے مجھے20 سے نیچے کا رینک حاصل کرنا ہوگا۔ آئندہ دو سالوں میں میں اپنے کھیل کو بہتر بنانے کی منصوبہ بندی کر رہا ہوں۔

 اتل پنگوترا فی الحال اولمپکس کے لیے میری کوچنگ کر رہے ہیں۔ وہ اعلیٰ درجے کے کھلاڑی پیدا کرنے کے لیے جانے جاتے ہیں۔ خیال رہے کہ انڈیا اوپن انٹرنیشنل اولمپک رینکنگ تائیکوانڈو چیمپئن شپ میں دانش منظور نے پہلی پوزیشن حاصل کر قومی چہرہ بن چکے ہیں۔

 دانش کو جے اینڈکے تائیکوانڈو ایسوسی ایشن نے ایک ممکنہ کھلاڑی کے طور پر برطانیہ سے تعلق رکھنے والے دنیا کے ایک بہترین کوچ پال گرین کی رہنمائی میں اولمپک سطح کے پہلے کیمپ میں حصہ لینے کی سفارش کی ہے۔ دانش منظور نے 2011 میں تائیکوانڈو کھیلنا شروع کیا۔ اس کی کوچنگ اشفاق وانی سمیت دیگر کھلاڑیوں نے کی تھی۔ سنہ 2013 میں انہوں نے پانڈیچیری میں جونیئر شہریوں کے لیے کوالیفائی کیا۔

دانش منظور گذشتہ دس سالوں سے اس میدان میں ہیں۔ انہوں نے قومی اور بین الاقوامی سطح پر متعدد تمغے جیتے ہیں۔ 2016 میں انہوں نے ٹوکی میموریل نیشنل تائیکوانڈو چیمپئن شپ اور مہاویر نیشنل تائیکوانڈو چیمپئن شپ میں چاندی کے دو تمغے جیتے تھے۔ انہوں نے رملا میں اسرائیل اوپن جی ٹو(2) اولمپک رینکنگ تائیکوانڈو ایونٹ میں مردوں کے 58 ویٹ زمرے میں ہندوستانی تائیکوانڈو ٹیم کا حصہ بنے تھے۔ان کے علاوہ ٹورنامنٹ میں تقریباً 30 مختلف ممالک کے کھلاڑیوں نے حصہ لیا تھا۔جہاں انہوں نے اپنی کارکردگی کا بہترین مظاہر کیا تھا۔