گریجاشنکر شکلا / منگلور

اسےکہتے ہیں کثیر الجہت صلاحیتوں سے مالا مال ٹیلینٹ ! صرف ایک نہیں بلکہ عصمت شرمین نے سول انجینرنگ کے فائنل میں 13 طلائی تمغے جیت کر نیا ریکارڈ قائم کیا ہے۔ وہ اپنی یونیورسٹی کی ٹاپر بھی بن گئی ہیں۔ عصمت شرمین اس عظیم کارنامے کے بعد اتنی پرجوش ہیں کہ اب وہ مسابقاتی امتحان میں بیٹھ کر ایک اور نئی اونچائی تک پہنچنے کا ارادہ رکھتی ہیں ۔

عصمت شرمین منگلور کےسیادری کالج آف انجینئرنگ اینڈ مینجمنٹ میں سول انجینئرنگ کی طالبہ ہیں۔ اس کا کالج وشوریا ٹیکنیکل یونیورسٹی ، بنگلور سے وابستہ ہے۔ حال ہی میں یونیورسٹی کے نتائج سامنے آئے ہیں۔ عصمت شرمین نے نہ صرف سول انجینئرنگ میں بلکہ پوری یونیورسٹی میں 9.42 سی جی پی اے اسکور کے ساتھ ٹاپ کیا ہے۔

یونیورسٹی کے چانسلر ، وجھو بھکت سی نے ایک تقریب میں عصمت شرمین کو اعزاز سے نوازا۔ ان کی کامیابیوں پر انہیں 13 سونے کے تمغے بھی دیئے گئے۔ اس کے علاوہ دھیرج ایم یونیورسٹی امتحان میں دوسرے نمبر پر آئے تھے۔ اسے 8.57 سی جی پی اے نمبر ملے ہیں۔

عصمت شرمین کے اس کارنامے کو آئی اے ایس آفیسر محمد محسن نے سوشل میڈیا پر شیئر کیا ہے ، جس کی بے حد تعریف کی جارہی ہے۔ ساتھ ہی ان کے روشن مستقبل کے لئے نیک خواہشات کا بھی اظہار کیا گیا ہے۔

Meet the Golden Girl Ms Asmat Sharmeen with13 Gold medals from VTU, Belgaum in Civil Engineering. On 3rd April His Excellency Governor of Karnataka is going to award the Gold Medals in Convocation. Excellent Achievement and role model for many. Keep it up Sister Asmat !🥇🥇🇮🇳🇮🇳🇮🇳 pic.twitter.com/kRnaPwI09K

— Mohammad Mohsin I.A.S (@mmiask) March 31, 2021

عصمت شرمین کا کہنا ہے کہ وہ ایک عام فیملی سےہیں اور وہ مسابقاتی امتحان میں کامیاب ہو کر کنبہ کے افراد کی حیثیت تبدیل کرنا چاہتی ہے۔

شرمین کا سرمایہ

-نجاگونپا گروولنگاپا ہاکاپکی گولڈ میڈل

- آر ایس شیٹی گولڈ میڈل وشویسوریا کوآپریٹو بینک

-جین یونیورسٹی گولڈ میڈل

-ڈسٹر. ایم سی سرینواسا مورتی میموریل کیش ایوارڈ

-آر ایچ ایس سدھیلنگا سول انجینئرنگ میموریل ایوارڈ

نیشنل انسٹی ٹیوٹ آف انجینئرنگ سلور جوبلی گولڈ میڈل

 جیوتی گولڈ میڈل