آواز دی وائس : یوکرین کے صدر ولادیمیر زیلنسکی نے یورپی پارلیمنٹ میں اپنے خطاب کے بعد کھڑے ہو کر داد وصول کرتے ہوئے کہا، "ہم اپنی سرزمین اور اپنی آزادی کے لیے لڑ رہے ہیں، اس حقیقت کے باوجود کہ ہمارے تمام شہر اب مسدود ہیں، کوئی ہمیں توڑنے والا نہیں ہے، ہم مضبوط ہیں۔ ، ہم یوکرینی ہیں۔
یوکرین کے صدر ولادیمیر زیلنسکی نے کیف سے جذباتی تقریر کرتے ہوئے اپنے ملک سے یورپی یونین میں شمولیت کا مطالبہ کیا ہے۔
ویڈیو لنک پر خطاب کرتے ہوئے انہوں نے کہا کہ جب روسی فوج اپنا حملہ جاری رکھے ہوئے ہے، یورپ ثابت کرے کہ یوکرین کے ساتھ ہے اور اس کے لیے یورپی یونین میں شامل ہونے کی اجازت دے ۔
ہم اپنے حقوق کے لیے، اپنی آزادی کے لیے لڑ رہے ہیں اور اب ہم اپنی بقا کی جنگ لڑ رہے ہیں۔ ہم یورپ کے مساوی ممبر بننے کے لیے بھی لڑ رہے ہیں۔
ثابت کریں کہ آپ ہمارے ساتھ ہیں، ثابت کریں کہ آپ ہمیں جانے نہیں دیں گے۔ ثابت کریں کہ آپ واقعی یورپی ہیں۔ اور پھر، زندگی موت پر اور روشنی اندھیرے پر جیت جائے گی۔ یوکرین کی شان لوٹ آئے گی۔۔
یاد رہے کہ پیر کو ہی اپنی خفیہ پناہ گاہ میں یوکرین کے صدر زیلنسکی نے اپنے جنگ زدہ ملک کے لیے یورپی یونین کی رکنیت کے لیے ایک درخواست پر دستخط کیے تھے، جس کے چند گھنٹے بعد یورپی بلاک سے کہا گیا ہے کہ یوکرین کو "فوری طور پر" خصوصی طریقہ کار کے تحت رکن بننے کی اجازت دی جائے کیونکہ یہ روسی افواج کے حملے سے دفاع میں مدد کرے گا۔ ان کے ساتھ وزیر اعظم ڈینس شمیہل اور یوکرین کی یک ایوانی پارلیمنٹ کے چیئرمین رسلاناسٹیفانچوک بھی تھے۔
تازہ اطلاع کے مطابق یورپی پارلیمنٹ نے یوکرین کی یورپی یونین میں شمولیت کی درخواست کو منظور کر لیا ہے۔ اس حوالے سے شمولیت کا خصوصی عمل بھی شروع کر دیا گیا ہے۔ اس کو حتمی شکل دینے کے لیے باضابطہ ووٹنگ کی جائے گی۔
