یوکرین بحران : چینی سوشل میڈیا پر یوکرینی خواتین پر نازیباحملے

Story by  ایم فریدی | Posted by  [email protected] | 2 Years ago
یوکرین بحران : چینی سوشل میڈیا پر یوکرینی خواتین پر نازیباحملے
یوکرین بحران : چینی سوشل میڈیا پر یوکرینی خواتین پر نازیباحملے

 

 

بیجنگ : چوبیس فروری سے یوکرین پر روسی حملے کے بعد سے چینی میڈیا پر مردوں کے ایک گروپ نے یوکرینی مہاجرین کو پناہ دینے کی رضامندی ظاہر کرتے ہوئے یہ بھی واضح کیا کہ وہ ترجیح اُن خواتین کو دیں گے، جن کی عمریں اٹھارہ سے پچیس برس کے دوران ہوں گی۔

ایسے کلمات چین کے مختلف شہروں میں میڈیا پر دیکھیں جا سکتے ہیں۔ کچھ چینیوں نے یہ تک تحریر کیا کہ وہ نوجوان یوکرینی خواتین کو لے جانے میں دلچسپی رکھتے ہیں۔ کچھ نے تو یہ تک تحریر کیا۔'خوش آمدید یوکرینی حسیناؤں‘۔ ایسے جملوں اور روس کی حمایت میں پوسٹ کیے جانے والے کلمات نے یوکرین میں پھنسے چینی شہریوں کو بڑی مشکل میں ڈال دیا ہے۔

یوکرین میں چینی شہریوں کی پریشانی

موجودہ جنگی حالات میں یوکرینی دارالحکومت کییف میں مقیم ایک چینی طالبِ علم فیئ ڈیان کا کہنا ہے کہ ایسے ناشائستہ کلمات پر یوکرینی عوام میں چین کے حوالے سے ناپسندیگی پیدا ہوئی ہے اور چند چینی افراد پر کچھ لوگوں نے پانی بھی پھینکا۔ ان پوسٹ پر کییف کے علاوہ دوسرے مقامات پر بھی لوگوں کا ردِ عمل برہمی پر مبنی تھا۔ ایک اور چینی طالبِ علم ژانگ نے سوشل میڈیا پر پوسٹ کیا کہ جنگ ایک ظالم شے ہے اور ان کے ملک میں اسے ایک کھیل نہ سمجھا جائے۔ ژانگ نے مزید کہا کہ فرق صرف اتنا ہے کہ یہ جنگ چین میں نہیں ہو رہی اور ایسی صورت حال میں یوکرینی لوگوں کا مزاق مت اڑایا جائے۔

چینی حکام نے سوشل میڈیا سے ایسے نامناسب ہزاروں کلمات کو ہٹانے کی تصدیق کی ہے۔ ٹک ٹاک کے چینی متبادل ڈوئن کی انتظامیہ نے چھ ہزار ویڈیوز کو ڈیلیٹ کیا ہے۔ چینی سفیر کی ہمدردی ایک اور چینی اسٹوڈنٹ نے پوسٹ کیا کہ انہیں کئی جگہوں پر یوکرینی شہریوں کی ناراضی کا سامنا کرنا پڑا اور ایسے میں انہیں خاصی پریشانی رہی۔

کییف میں چین کے سفیر نے چینی شہریوں کو تحفظ دینے کے لیے اپنی گاڑیوں پر چینی جھنڈا لہرانے کی ہدایت کی تھی تا کہ وہ حملے میں روسی فوج سے بچ تاہم اب انہوں نے اپنے ملک کے شہریوں سے کہا ہے کہ وہ اپنی قومی شناخت کو مخفی رکھیں۔

چینی سفیر فان شیانرونگ نے اپنے ملک کے شہریوں کے لیے ایک ویڈیو پیغام جاری کیا ہے اور اس میں چینی افراد کو تلقین کی گئی ہے کہ وہ مقامی افراد کے ساتھ اس مناسبت سے کلام یا بحث کرنے سے اجتناب کریں، چینی سفیر نے انہیں عام پبلک مقامات پر ویڈیو کے ذریعے فلم بنانے سے گریز کی ہدایت بھی کی ہے۔ سفیر نے اپنے ملک کے شہریوں سے یہ بھی کہا ہے کہ جتنا ہو سکے وہ یوکرینی شہریوں کے ساتھ ہمدردی کا اظہار کریں۔

چینی مرد اور یوکرین

انسانی حقوق کی بین الاقوامی تنظیم ہیومن رائٹس واچ کے چینی امور کے سینیئر محقق یاچیو وانگ کا کہنا ہے کہ یوکرین کی عورتوں کے حوالے سے چینی مردوں میں ایسے احساسات نئے نہیں بلکہ یہ بہت برسوں سے ان میں پائے جاتے ہیں۔ان کا مزید کہنا ہے کہ روسی حملے کے بعد ایسے جذبات میں شدت دیکھی گئی ہے۔ یہ امر اہم ہے کہ سن 2016 میں چینی میڈیا پر صوبے ہینان کے ایک مرد کی یوکرینی لڑکی سے شادی کو بڑے پیمانے پر رپورٹ کیا گیا تھا۔ روس یوکرین جنگ، مزید کیا کچھ ہوا ہے؟ انسانی حقوق کے ایک چینی وکیل ٹینگ بیاؤ کا کہنا ہے کہ چینی مرد اب بھی قدیمی دور کی طرح اپنی مردانگی پر بہت فخر کرتے ہوئے عورتوں کو اپنا ہدف بنانے کی خواہش رکھتے ہیں۔