نیویارک: ٹوئٹر ایلون مسک کی پیشکش قبول کر کے سوشل میڈیا پلیٹ فارم کو تقریباً 43 بلین ڈالر نقد میں فروخت کرنے پر راضی ہو سکتا ہے۔

اس قیمت کو ٹیسلا چیف ایگزیکٹو ایلون مسک نے سوشل میڈیا کمپنی کے لیے اپنی ’بہترین اور حتمی پیشکش‘ قرار دیا تھا۔ ذرائع کے مطابق ٹوئٹر پیر کو 54.20 ڈالر فی شیئر ڈیل کا اعلان کر سکتا ہے۔

ذرائع نے مزید کہا کہ یہ بہرحال ممکنات میں سے ہے کہ معاہدہ آخری لمحات میں ٹوٹ جائے۔ فوربس کے مطابق ایلون مسک ذاتی حیثیت میں ٹوئٹر خریدنے کے لیے بات چیت کر رہے ہیں اور ٹیسلا اس معاہدے میں شامل نہیں ہے نیز ٹوئٹر اب تک مسک کے ساتھ اپنے معاہدے کے تحت ’گو شاپ‘ کی فراہمی کو محفوظ کرنے میں کامیاب نہیں ہوسکا ہے جو اسے معاہدے پر دستخط ہونے کے بعد دوسری بولیوں کو طلب کرنے کی اجازت دے گا۔

ذرائع نے نام ظاہر نہ کرنے کی درخواست کی کیونکہ معاملہ ابھی ’خفیہ‘ ہے۔ ٹوئٹر انتظامیہ اور ایلون مسک نے فوری طور پر تبصرے کی درخواستوں کا جواب نہیں دیا۔ پیر کو نیویارک میں پری مارکیٹ ٹریڈنگ میں ٹوئٹر کے حصص 4.5 فیصد بڑھ کر 51.15 ڈالر پر تھے۔ مسک کے مطابق ٹوئٹر کو آزادانہ اظہار رائے کا پلیٹ فارم کی ضرورت ہے۔

یہ معاہدہ مسک کی جانب سے حصول کی حمایت کے لیے مالیاتی پیکج کی نقاب کشائی کے صرف چار دن بعد ہوگا۔ اس کی وجہ سے ٹوئٹر کے بورڈ نے معاہدے کو زیادہ سنجیدگی سے لیا اور بہت سے شیئر ہولڈرز نے کمپنی سے کہا کہ وہ معاہدے کا موقع ہاتھ سے جانے نہ دیں۔ یہ فروخت ٹوئٹر کے اس اعتراف کی نمائندگی کرے گی کہ اس کے نئے چیف ایگزیکٹیو پیراگ اگروال، جنہوں نے نومبر میں قیادت سنبھالی تھی، کمپنی کے 2023 کے لیے متعین مالی اہداف پورے نہیں کر پا رہے۔

ٹوئٹر کے حصص حال ہی میں نومبر میں مسک کی پیشکش کی قیمت سے زیادہ ٹریڈ کر رہے تھے۔ مسک کی گفت و شنید کی حکمت عملی، ایک پیشکش کرنا اور اس پر قائم رہنا، ارب پتی، وارن بفے کی بارگیننگ ڈیل جیسی ہے۔ مسک نے جب سب سے پہلے ٹوئٹر کے لیے اپنی پیشکش کا انکشاف کیا تو انہوں نے کوئی مالیاتی تفصیلات فراہم نہیں کیں، جس سے مارکیٹ اس ڈیل کے امکانات کے بارے میں شکوک کا شکار ہو گئی تھی۔