لاہور: پاکستان کے قدیم شہر لاہورمیں پولیس کے مطابق لوہاری گیٹ کے قریب دھماکے کے نتیجے میں تین افراد ہلاک جبکہ متعدد زخمی ہو گئے ہیں۔
جمعرات کو لاہور کے علاقے لوہاری گیٹ کے قریب دھماکہ ہوا جس سے متعدد عمارتوں اور موٹرسائیکلوں کو بھی نقصان پہنچا۔
ترجمان لاہور پولیس رانا عارف نے بتایا کہ تین افراد کی ہلاکت کی تصدیق کی ہے۔ ترجمان کا کہنا تھا کہ ’بم پرائز بانڈ کی دکان کے باہر موجود موٹر سائیکل میں نصب تھا۔ 22 افراد کے زخمی ہونے کی تصدیق کر سکتے ہیں۔‘
دھماکے میں زخمی ہونے والے افراد کو قریبی ہسپتال منتقل کر دیا گیا ہے جبکہ ریسکیو کا عملہ بھی جائے وقوعہ پر پہنچ گیا ہے۔
وزیراعلیٰ پنجاب سردار عثمان بزدار نے انارکلی میں دھماکے کی شدید مذمت کرتے ہوئے کہا ہے کہ ’دھماکے کے ذمہ داروں کو جلد گرفتار کر کے قانون کے کٹہرے میں لایا جائے۔‘ انہوں نے دھماکے میں قیمتی انسانی جانوں کے ضیاع پر گہرے دکھ اور افسوس کا اظہار کیا اور کہا کہ ’پنجاب حکومت جاں بحق افراد کے لواحقین کے دکھ میں برابر کی شریک ہے۔‘
انہوں نے اس دھماکے کو دہشتگردی قرار دیتے ہوئے کہا کہ ’مُٹھی بھر دہشت گرد قوم کے پختہ عزم کو متزلزل نہیں کر سکتے، یہ واقعہ امن و امان کی فضاء کو سبوتاژ کرنے کی مذموم کارروائی ہے۔‘
ہندوستانی صحافی آدیتہ راج کول اس کی ویڈیو ٹوئٹ کی ہے:
#BREAKING: Three killed and 22 injured in a blast at Lahori Gate of the famous Anarkali Bazar in Lahore, Pakistan. More details on nature of the blast are awaited. Some saying cylinder blast, others say a timer device was used to setup a bomb. Bomb Disposal Saad at location now. pic.twitter.com/EZ2kFribkv
— Aditya Raj Kaul (@AdityaRajKaul) January 20, 2022
