دبئی
متحدہ عرب امارات کی سپیس ایجنسی کے مطابق مریخ کے مدار میں داخل ہونے والے ملک کے خلائی مشن نے سیارے کی پہلی تصویر بھیجی ہے۔ ایجنسی کے بیان میں کہا گیا ہے کہ مریخ کی تصویر ’نظام شمسی میں ایک بڑے آتش فشاں اولمپس مونز کی ہے جو صبح کے وقت سورج کی روشنی میں سامنے آ رہا ہے۔
یہ تصویر بدھ کو اس وقت لی گئی جب مشن مدار میں داخل ہوا ۔ متحدہ عرب امارات کے وزیراعظم اور دبئی کے حکمران شیخ محمد بن راشد نے یہ تصویر اپنے ٹوئٹر اکاؤنٹ سے شیئر کی ہے۔انہوں نے تصویر پوسٹ کرتے ہوئے لکھا کہ ’عرب تاریخ میں پہلے خلائی تحقیقی مشن کی مریخ کی پہلی تصویر۔
من ارتفاع ٢٥ ألف كم عن سطح الكوكب الأحمر .. أول صورة للمريخ بأول مسبار عربي في التاريخ
— HH Sheikh Mohammed (@HHShkMohd) February 14, 2021
The first picture of Mars captured by the first-ever Arab probe in history, 25,000 km above the Red Planet's surface pic.twitter.com/Qgh2Cn3JPF
امارات کے خلائی مشن کا مقصد مریخ کے موسم پر تحقیق ہے تاہم اس مشن کے ذریعے خطے کے نوجوانوں کو خلائی شعبے کی جانب راغب کرنا بھی ہے۔ ’ہوپ‘ کم از کم ایک مریخی سال یعنی 687 دن تک مریخ کے مدار میں گردش کرے گا۔ گزشتہ ہفتے امارات کا یہ خلائی مشن ’ہوپ پروب‘ چھ ماہ کے طویل خلائی سفر کے بعد کامیابی سے مریخ کے مدار میں داخل ہوا۔