.jpg "غزہ پر بمباری")
یروشلم
نئی اسرائیلی حکومت کے اقتدار سنبھالتے ہی غزہ پر بمباری کی گئی ہے، فلسطینی حکام کے مطابق حملہ خان یونس میں کیا گیا۔
اسرائیل کی جانب سے دعویٰ کیا گیا ہے کہ حملہ فلسطین کی جانب سے غبارے چھوڑنے کے بعد کیا گیا۔
اس سے پہلے گزشتہ روز مقبوضہ بیت المقدس میں سیکڑوں انتہاپسند یہودی آباد کاروں نے ریلی نکالی تھی۔
ریلی کی حفاظت کے لئے اسرائیلی فورسز کی بھاری نفری تعینات رہی۔ ریلی کے خلاف احتجاج کرنے والے فلسطینیوں میں سے 6 افراد گرفتار کر لیئے گئے جبکہ درجنوں دیگر کو زد و کوب کر کے زبرستی ہٹایا گیا۔
اسرائیلی فورسز نے فلسطینیوں کے خلاف ربڑ کی گولیاں اور اسٹن گرینیڈ استعمال کیئے۔ (ایجنسی ان پٹ )
