برسیلز : قطر کے دارالحکومت دوحہ کے التھماما سٹیڈیم میں مراکش کے ہاتھوں بیلجیئم کو صفر کے مقابلے میں دو گول سے اپ سیٹ شکست کے بعد بیلجیئم میں فسادات پھوٹ پڑے۔ یلجیئم کی ہار کے بعد برسلز میں فٹ بال فینز نے پولیس پر حملہ کر دیا جس کے بعد سکیورٹی اہلکاروں کی جانب سے حملہ آوروں کو منتشر کرنے کے لیے واٹر کینن اور آنسو گیس کا استعمال کرنا پڑا۔ بیلجیئم کی شکست کے بعد درجنوں فٹ بال شائقین برسلز کی سڑکوں پر نکل آئے اور انہوں نے دکانوں کے شیشے توڑے اور متعدد گاڑیوں کو بھی نذر آتش کردیا۔
برسلز پولیس کا کہنا ہے کہ امن عامہ کو نقصان پہنچانے کے الزام میں انہوں نے 11 افراد کو حراست میں لے لیا ہے۔ پولیس نے حملے کی اطلاع ملتے ہی شہر میں ٹرین سروس معطل کردی تھی اور فسادات کے بڑھ جانے کے خوف سے سڑکوں کو بھی بند کر دیا تھا۔ سماجی رابطوں کی ویب سائٹ ٹوئٹر پر برسلز میں کی جانے والی توڑ پھوڑ کی متعدد ویڈیوز گردش کر رہی ہیں۔ سوزانے سیڈون کی جانب سے شیئر کی گئی ایک ویڈیو میں سروں کو ڈھانپے درجنوں افراد کو سڑکوں پر پبلک پراپرٹی کو نقصان پہنچاتے ہوئے دیکھا جا سکتا ہے۔
Belgium 🇧🇪 👀💥
— Suzanne Seddon (@suzseddon) November 27, 2022
Towns And Cities Are Now Being Destroyed And Smashed Up Across Brussels As Riots By Non Natives Escalate Into The Night. pic.twitter.com/q3gA8SiWKu
سوشل میڈیا پر متعدد اکاؤنٹس کی طرف سے یہ دعویٰ کیا جارہا ہے کہ سڑکوں پر ہونے والے جلاؤ گھیراؤ اور لڑائی جھگڑوں میں بیلجیئم میں موجود مراکشی لوگوں نے بھی حصہ لیا۔ تاہم اردو نیوز ان دعوؤں کی آزادنہ تردید یا تصدیق کرنے سے قاصر ہے۔
Meanwhile, in Brussels, Moroccans celebrate their win over Belgium. The cultural enrichment is paying dividends, right? pic.twitter.com/yakNCjTSSN
— David Vance (@DVATW) November 27, 2022
خیال رہے بیلجیئم کی ٹیم اس وقت فٹ بال کی عالمی رینکنگ میں دوسرے جبکہ اس کو شکست دینے والی مراکش کی ٹیم رینکنگ میں 22 ویں نمبر پر ہے۔