رمضان المبارک- مسجد نبوی کے تمام دروازے کھلے رہیں گے

Story by  ایم فریدی | Posted by  [email protected] | 1 Years ago
رمضان المبارک-  مسجد نبوی کے تمام دروازے کھلے رہیں گے
رمضان المبارک- مسجد نبوی کے تمام دروازے کھلے رہیں گے

 

ریاض: سعودی عرب مدینہ منورہ میں مسجد نبوی میں سیکیورٹی امورکے نگران سعودالصاعدی کا کہنا ہے کہ ’ماہ رمضان میں زائرین کی سہولت کے لیے تمام دروازے کھول دیے جائیں گے‘۔ عاجل نیوز کے مطابق مسجد نبوی کے مجموعی دروازوں کی تعداد 100 ہے جو مسجد کی چاروں سمتوں میں ہیں تاکہ ہرجانب سے آنے والوں کو آسانی ہواورانہیں کسی دقت کا سامنا نہ کرنا پڑے۔

الاخباریہ ٹی وی سے گفتگوکرتے ہوئے سعودالصاعدی نے کہا کہ’ ماہ رمضان کے دوران زائرین کے استقبال کی تمام تیاریاں مکمل کرلی گئی ہیں‘۔ ’ مسجد نبوی کےصحن کی چھت پرجانے کے لیے خودکار زینے مکمل طورپرکام کررہے ہیں جبکہ دیکھ بھال اوراصلاح ومرمت کی ٹیمیں بھی ہمہ وقت موجود ہوتی ہیں۔ مسجد نبوی میں افطار کرانے والوں کےلیے بھی خصوصی انتظامات کیے گئے ہیں جس کے تحت افطاری دسترخوان لے جانے کےلیے دروازوں کو مخصوص کیاگیا ہے تاکہ عام لوگوں کوآمد ورفت میں رکاوٹ کا سامنا نہ کرنا پڑے۔