اولاف شولس جرمنی کے نئے چانسلر منتخب، مودی نے دی مبارک باد

Story by  ایم فریدی | Posted by  Shah Imran Hasan | 2 Years ago
 اولاف شولس جرمنی کے نئے چانسلر منتخب، مودی نے دی مبارک باد
اولاف شولس جرمنی کے نئے چانسلر منتخب، مودی نے دی مبارک باد

 

 

 اولاف شولز جرمنی کے نئے چانسلر منتخب ہو گئے، اس کے ساتھ ہی خاتون رہنما انگیلا میرکل کا16 سالہ دور اقتدار بھی اپنے اختتام کو پہنچ گیا۔

سوشل ڈیموکریٹ اولاف شول نے جرمنی کے نئے چانسلر کے طور پر عہدے کا حلف اٹھا لیا۔ انہوں نے سبکدوش ہونے والی انگیلا مرکل کو گلدستہ پیش کر کے انہیں رخصت کر دیا۔63 سالہ شولز مرکل کی حکومت میں بطور وائس چانسلر اور وزیر خزانہ خدمات انجام دے چکے ہیں۔

جرمنی کی نئی مخلوط حکومت یورپی اتحاد کی حامی ہے اور ماحول دوست سرمایہ کاری میں اضافہ چاہتی ہے۔ جرمنی میں سوشل ڈیموکریٹ اولاف شولس واضح اکثریت سے نئے چانسلر منتخب ہو گئے ۔ نئے وزرا بھی جلد ہی اپنے اپنے عہدوں کا حلف اٹھا لیں گے۔

وہ اس عہدے کے لیے واحد امیدوار تھے۔ اس کے ساتھ ہی خاتون رہنما انجیلا مرکل کا 16سالہ دور اقتدار بھی اپنے اختتام کو پہنچ گیا ہے۔

awazthevoice

 اولاف شول اور انگیلا مرکل 

وزیراعظم نریندرمودی نےاولاف شولس کو جرمنی کا نیا چانسلر منتخب ہونے پر مبارک باد دی ہے۔ وزیراعظم نے اپنے ٹوئٹ پیغام میں لکھا ہے کہ ہندوستان اور جرمنی کے درمیان اسٹریٹجک پارٹنرشپ کو مزید مستحکم کرنے کا متمنی ہوں۔