لندن:برطانیہ کی کنزرویٹیو پارٹی نے لِز ٹرس کو اپنا نیا قائد منتخب کر لیا ہے۔ منگل کو لِز ٹرس نئے وزیراعظم کا عہدہ سنبھالیں گی۔ نومنتخب وزیراعظم لِز ٹرس کو 81 ہزار 326 ووٹ ملے جبکہ ان کے حریف رشی سونک کو 60 ہزار 399 ووٹ ملے۔

پیر کو برطانیہ کے اگلے وزیراعظم اور حکمران کنزرویٹو پارٹی کے سربراہ کے نام کا اعلان ہوا۔ حکمراں جماعت کنزرویٹو پارٹی کی جانب سے سیکریٹری خارجہ لِز ٹرس کو  نامزد کیا گیا تھا۔

 برطانیہ کی سیکریٹری خارجہ لِز ٹرس ایسے وقت میں اقتدار سنبھالنے کے لیے تیار ہیں جب ملک کو معاشی بحران اور کساد بازاری کا سامنا ہے۔

I am honoured to be elected Leader of the Conservative Party.

Thank you for putting your trust in me to lead and deliver for our great country.

I will take bold action to get all of us through these tough times, grow our economy, and unleash the United Kingdom’s potential. pic.twitter.com/xCGGTJzjqb

— Liz Truss (@trussliz) September 5, 2022

بورس جانسن نے سات جولائی کو ایک پریس کانفرنس میں اپنے عہدے سے مستعفی ہونے کا اعلان کیا تھا۔ برطانیہ کے سابق انڈین نژاد وزیر خزانہ رشی سونک اور وزیر خارجہ لِز ٹرس ملک کے اگلے وزیراعظم بننے کی دوڑ میں آخری امیدوار تھے۔ جولائی میں حکمراں جماعت کنزرویٹیو پارٹی کے قانون سازوں کی حتمی ووٹنگ میں لِز ٹرس اور رشی سونک سب سے زیادہ ووٹ حاصل کرنے والے پہلے دو امیدار رہے۔

لِز ٹرس منگل کو ملکہ الزبتھ سے ملاقات کے لیے aسکاٹ لینڈ جائیں گی۔ ملکہ نئے رہنما سے حکومت بنانے کے لیے کہیں گی۔ لِز ٹرس 2015 کے انتخابات کے بعد کنزرویٹو پارٹی کی چوتھی وزیراعظم بن جائیں گی۔

بورس جانسن کی قیادت میں وزیر خارجہ لِز ٹرس نے برطانیہ کے معاشی بحران سے نمٹنے کے لیے تیزی سے کام کرنے کا وعدہ تھا اور کہا تھا کہ وہ ’ایک ہفتے کے اندر توانائی کے بڑھتے ہوئے بلوں سے نمٹنے اور مستقبل میں ایندھن کی فراہمی کو محفوظ بنانے کے لیے ایک منصوبہ لے کر آئیں گی۔‘

اتوار کو ایک ٹی وی انٹرویو میں انہوں نے ان اقدامات کی تفصیلات بتانے سے انکار کر دیا۔  انہوں نے اپنی انتخابی مہم کے دوران عندیہ دیا تھا کہ وہ ٹیکس میں اضافے کو ختم اور دیگر محصولات میں کمی کرکے کنونشن کو چیلنج کریں گی جن کے بارے میں بعض ماہرین اقتصادیات کا کہنا ہے کہ اس سے مہنگائی میں اضافہ ہوگا۔

وہیں دوسری طرف ہندوستان کے وزیراعظم نریندر مودی نے لز ٹرس کو برطانیہ کا نیا وزیراعظم منخب ہونے پر مبارک باد دی ہے۔  مودی نے اپنے ٹویٹ میں لکھا ہے کہ یقین ہے کہ آپ کی قیادت میں ہند-برطانیہ جامع اسٹریٹجک پارٹنرشپ مزید مضبوط ہوگی۔

Congratulations @trussliz for being chosen to be the next PM of the UK. Confident that under your leadership, the India-UK Comprehensive Strategic Partnership will be further strengthened. Wish you the very best for your new role and responsibilities.

— Narendra Modi (@narendramodi) September 5, 2022

لِز ٹرس کو بہت سے چیلنجز کا سامنا کرنا ہوگا جس کے بارے میں حزب اختلاف کے قانون سازوں کا کہنا ہے کہ یہ 12 سال کی غریب کنزرویٹو حکومت کا نتیجہ ہے۔ بہت سے افراد نے قبل از وقت انتخابات کا مطالبہ کیا ہے تاہم ٹرس نے کہا ہے کہ وہ اس کی اجازت نہیں دیں گی۔ سیکریٹری خارجہ لِز ٹرس نے کہا ہے کہ وہ ایک مضبوط کابینہ کا تقرر کریں گی جسے ان کے قریبی ذرائع نے ’صدارتی طرز حکمرانی‘ سے تعبیر کیا ہے۔