ریاض:سعودی عرب میں قانون نافذ کرنے والے اہلکاروں نے 5 پاکستانیوں کو منی لانڈرنگ کے الزام میں گرفتار کرلیا ہے۔
ملزمان کے قبضے سے خطیر رقم بھی برآمد ہوئی ہے۔ ذرائع کے مطابق تحقیقاتی افسر کو مطمئن نہ کرسکے۔
تفصیلات کے مطابق مدینہ منورہ میں قانون نافذ کرنے والے ادارے کے اہلکاروں نے غیر قانونی طریقے سے رقم جمع کرانے اور اسے بیرون ملک بھجوانے کے الزام میں 5 پاکستانیوں کو حراست میں لے لیا۔
میڈیا کے مطابق ریجنل پولیس ترجمان نے بتایاکہ قانون نافذ کرنے والے ادارے کی مخصوص ٹیم نے پانچ غیر ملکیوں کو حراست میں لیا جن کا تعلق پاکستان سے ہے۔ (ایجنسی )
