سکھر (پاکستان) پاکستان میں ہندووں پر مظالم کی نئی کڑی کل سامنے آئی تھی جب سکھر میں ایک ہندو لڑکی سے جبرا شادی  کی کوشش کی گئی جس میں وہ ہلاک ہوگئی تھی۔ اب سکھر میں پوجا کماری قتل کیس کے مرکزی ملزم واحد بخش لاشاری کو سول کورٹ نے 10 روز کے جسمانی ریمانڈ پر پولیس کے حوالے کر دیا۔ پولیس کا کہنا ہے کہ ملزم نے 18 سالہ پوجا کماری کو اغوا کی کوشش کے دوران مزاحمت پر قتل کیا ہے۔ کیس سے متعلق سکھر پولیس نے بتایا کہ ملزم واحد بخش لاشاری مقتولہ کا پڑوسی تھا جو مقتولہکو پسند کرتا تھا۔

سکھر پولیس نے بتایاکہ پوجا کماری قتل کیس میں ملوث دیگر 2 ملزمان کی گرفتاری کے لیے چھاپے مارے جا رہے ہیں۔ دوسری جانب مقتولہ کے ورثاء غم سے نڈھال ہیں، انہوں نے حکومت سے انصاف کی دہائی دی ہے۔ واضح رہے کہ گزشتہ روز سکھر میں ملزم واحد بخش لاشاری نے شادی سے انکار کرنے پر اقلیتی برادری کی لڑکی پوجا کماری کو قتل کر دیا تھا۔