صرف سوشلزم ہی چین کو محفوظ بنا سکتا ہے:شی جن پنگ

Story by  غوث سیوانی | Posted by  [email protected] | 2 Years ago
شی جن پنگ
شی جن پنگ

 

 

بیجنگ

چینی صدر شی جن پنگ نے عالمی طاقتوں کو خبردار کیا ہےکہ اب چین کو ڈرانے دھمکانے کا وقت ختم ہوگیا۔ چینی کمیونسٹ پارٹی کے 100 سال مکمل ہونے پر منعقدہ تقریب سے خطاب کرتے ہوئے چینی صدر نے عالمی طاقتوں کو واضح پیغام دیا۔

چینی صدر نے بڑے عوامی اجتماع سے خطاب کرتے ہوئے کہا کہ چین کو ڈرانے دھمکانے کا دور اب ختم ہوگیا ہے اور جس کسی نے بھی پارٹی اور چینی عوام کو علیحدہ کرنے کی کوشش کی اسے بدترین ناکامی کا سامنا کرنا پڑا۔

میڈیا رپورٹس کے مطابق چینی کمیونسٹ پارٹی کی 100 ویں سالگرہ کی تقریب میں چینی صدر کے ہمراہ پارٹی کی سینئر قیادت نے بھی شرکت کی جب کہ چینی صدر نے اپنے خطاب میں پارٹی کی جانب سے چین کو تباہ کن جاگیردارانہ سسٹم سے نجات دلانے اور سوشل مارکیٹ بنانے کے لیے کیے گئے اقدامات پر بھی روشنی ڈالی۔

صدر شی جن پنگ کا کہنا تھا کہ صرف سوشلزم ہی چین کو محفوظ بنا سکتا ہے اور ایک یہی طریقہ کار چین کو ترقی دے سکتا ہے۔ انہوں نے پیغام دیا کہ بیرونی طاقتوں کے خلاف پنجہ آزمائی میں کسی کو بھی چینی قوم کی رِٹ اور طاقت کو کم تر نہیں سمجھنا چاہیے۔ (ایجنسی ان پٹ )