مالے(مالدیپ)

ہندوستان، مالدیپ اور سری لنکا کے قومی سلامتی کے مشیروں نے اس بات پر اتفاق کیا ہے کہ سمندری ممالک کے طور پر انہیں ہند بحرالکاہل کے علاقے میں سیکورٹی کے لیے پہلے جواب دہندگان کا کردار ادا کرنا ہوگا۔

ذرائع نے بتایا کہ کولمبو سیکورٹی کانکلیو کی دو روزہ پانچویں قومی سلامتی کے مشیر کی سطح کی میٹنگ بدھ کے روز یہاں منعقد ہوئی جس میں قومی سلامتی مشیروں نے رکن اور مبصر ممالک کے درمیان سمندری تحفظ اور سلامتی اور دہشت گردی اور بنیاد پرستی کے انسداد میں قریبی تعاون کی اہمیت پر تبادلہ خیال کیا۔

سمندری ممالک کے ساتھ ساتھ قریبی سمندری پڑوسیوں کے طور پر، سلامتی مشیروں نے اتفاق کیا کہ وہ خطے کے لیے پہلے جواب دہندگان کا کردار ادا کرتے ہیں۔

سی ایس سی کا قیام 2011 میں ہندوستان، سری لنکا اور مالدیپ کے سہ فریقی میری ٹائم سیکورٹی گروپنگ کے طور پر کیا گیا تھا۔ اس نے چوتھے رکن کے طور پر ماریشیس کا خیرمقدم کیا جبکہ بنگلہ دیش اور سیشلز نے بطور مبصر شرکت کی اور انہیں گروپ میں شامل ہونے کی دعوت دی گئی۔

 ہندوستان کے این ایس اے اجیت ڈوبھال نے اپنے بیان میں مشترکہ سیکورٹی چیلنجوں سے نمٹنے اور پہلے جواب دہندگان کے طور پر سمندری پڑوسیوں کے درمیان تعاون کو مضبوط بنانے پر زور دیا۔ ۔

این ایس اے نے کہا کہ ہندوستان "ہمارے سمندری پڑوسیوں کے ساتھ قریبی تعاون" میں کام کرنے کے لیے پرعزم ہے تاکہ تربیت، سازوسامان کی فراہمی، ساحلی حفاظتی تنصیبات کو اپ گریڈ کرنے، اور متحد ہو کر خطرات کا مقابلہ کرنے کے لیے معلومات کے تبادلے کے ذریعے صلاحیت پیدا کی جا سکے۔

ہماری قومی سلامتی اس خطے میں ہماری اجتماعی سلامتی کی خواہشات کے ساتھ جڑی ہوئی ہے۔ ہماری جغرافیائی قربت ہمیں بحرانی حالات میں ایک دوسرے کے لیے پہلے جواب دہندہ بننے کی اجازت دیتی ہے۔ ہم نے منشیات کی اسمگلنگ سے نمٹنے، منظم جرائم اور (سمندری) حادثات سے لاحق خطرات کو کم کرنے میں مل کر کام کیا ہے۔ ڈوبھال نے نے اس سال متعلقہ کوسٹ گارڈز کے سربراہان کی میٹنگ اور منشیات کی اسمگلنگ اور بین الاقوامی جرائم سے نمٹنے کے لیے ورکنگ گروپس کے قیام کی تجویز بھی پیش کی تھی۔

این ایس اے نے انسداد منشیات کی اسمگلنگ اور بین الاقوامی منظم جرائم اور سائبر سیکورٹی اور ابھرتی ہوئی ٹیکنالوجیز پر بھی تبادلہ خیال کیا۔

 یہ کنکلیو کا پانچواں اجلاس تھا۔ اسے پہلے سہ فریقی سمندری سلامتی تعاون کا نام دیا گیا تھا۔ 28 نومبر 2020 کو کولمبو میں منعقدہ سہ فریقی میٹنگ کی این ایس اے سطح کی چوتھی میٹنگ میں، ہندوستان، سری لنکا اور مالدیپ نے گروپ کے دائرہ کار اور رکنیت کو بڑھانے اور اسے کولمبو سیکورٹی کانکلیو کا نام دینے پر اتفاق کیا۔

کولمبو میں ایک مستقل سیکرٹریٹ قائم کیا گیا تھا جو کنکلیو کی تمام سرگرمیوں کو مربوط کرتا ہے اور این ایس اے کی سطح پر کیے گئے فیصلوں کے نفاذ کے لیے بھی ذمہ دار ہے۔

 کانکلیو کی اگلی میٹنگ ہندوستان میں ڈپٹی این ایس اے کی سطح پر ہونے والی ہے۔ این ایس اے کی سطح کا اگلا ڈائیلاگ بھی ہندوستان میں ہوگا۔ ۔

 ذرائع نے بتایا کہ اوشیانوگرافرز کانفرنس کا امکان ہے اور کنکلیو کی سرگرمیوں کے لیے روڈ میپ کو حتمی شکل دی جا رہی ہے۔