اوٹاوا
امریکا میں چاقو زنی اور فائرنگ کے بڑھتے رجحانات کے بعد ایک اسی طرز کا دل سوز واقعہ کینیڈا کے شہر وینکوور میں رونما ہوا ہے جہاں چاقو سے حملے کے نتیجے میں ایک شخص کی موت ہو گئی جبکہ متعدد افراد زخمی ہوگئے۔
عوامی لائبریری کے اندر اور باہر موجود لوگوں پر ایک شخص نے چاقو سے حملہ کیا۔پولیس نے ایک مشتبہ شخص کوحراست میں لےلیا، واقعے کی تحقیقات جاری ہیں۔ خیال ہے کہ حملہ آور نے تنہا کارروائی کی۔
پولیس کے مطابق حملے میں زخمی ہونے والے افراد کو اسپتال لے جایا گیا، جہاں پر ایک شخص زخموں کی تاب نہ لاتے ہوئے چل بسا۔
