میلبورن: وزیر خارجہ ایس جئے شنکر نے جاپان، آسٹریلیا اور امریکہ کے اپنے ہم منصبوں کے ساتھ جمعہ کو میلبورن میں کواڈ ممالک کی چوتھی میٹنگ میں شرکت کی، جس میں ہند-بحرالکاہل خطے پر توجہ مرکوز کی گئی۔
کواڈ ممالک کے وزرائے خارجہ کے چوتھے اجلاس سے پہلے ڈاکٹر جے شنکر، آسٹریلیا کے وزیر خارجہ مارس پینے، امریکی وزیر خارجہ انٹونی بلنکن اور جاپانی وزیر خارجہ یوشیماسا حیاشی نے آسٹریلیا کے وزیر اعظم اسکاٹ موریسن سے ملاقات کی۔
مسٹر پینے نے ٹویٹ کیا’چوتھی کواڈ وزرائے خارجہ کی میٹنگ کے لیے ہندوستان، جاپان اور امریکہ کی میزبانی کے لیے پرجوش ہوں۔ ہم ایک محفوظ اور خوشحال ہند-بحرالکاہل خطے کے لیے ایک مثبت اور پرجوش ایجنڈے کے ساتھ لبرل جمہوریتوں کا ایک اہم نیٹ ورک ہیں۔‘ اس ملاقات میں گزشتہ سال فروری میں منعقدہ ورچوئل میٹنگ میں ہونے والی گفتگو کو آگے بڑھایا جائے گا۔
اس میں وہ ایک آزاد، کھلے اور جامع ہند-بحرالکاہل خطے کے اپنے مشترکہ وژن کے پیش نظر علاقائی اسٹریٹجک امور پر خیالات کا تبادلہ کریں گے۔
اس میں تمام وزرائے خارجہ کووڈ وبا، سپلائی چین، اہم ٹیکنالوجیز، موسمیاتی تبدیلی، بنیادی ڈھانچے جیسے عصری چیلنجوں سے نمٹنے کے لیے کواڈ تعاون کا جائزہ لیں گے اور 2021 کے دو سربراہی اجلاسوں میں رہنماؤں کے اعلان کردہ مثبت اور تعمیری ایجنڈے کو آگے بڑھائیں گے۔
A long and productive day in Melbourne. Just finished the 4th Quad Foreign Ministers’ Meeting. Impressed by the progress we have made.
— Dr. S. Jaishankar (@DrSJaishankar) February 11, 2022
Thank FM @MarisePayne for excellent arrangements. Heading for the press conference. pic.twitter.com/RtwvFfEUsj