اسرائیل: صدر نے نیتن یاہو کے چیلنج کو مسترد کردیا

Story by  ایم فریدی | Posted by  [email protected] | 2 Years ago
 نیتن یاہو
نیتن یاہو

 

 

 یروشلم :اسرا ئیلی صدر روی ریولن نے اقتدار میں تبدیلی کے لئے تنازعہ کے دوران نیتن یاہو کے چیلنج کو مستردکر دیا ہے جس سے حزب اختلاف کے رہنما نفتالی بینیٹ کے ذریعہ حکومت سازی کی راہ ہموار ہوگئی ہے۔ نیتن یاہو حکومت میں کبھی وزیر دفاع بشمول دیگر عہدوں پررہے نفتالی نے اتوار کے دن نئی حکومت بنانے کا اعلان کیا تھا۔ وہ نئی حکومت بنانے کیلئے مڈل وے لیڈر جیر لاپڈ کے ساتھ اتحاد کر رہے ہیں۔ اس معاہدے کے تحت نفتالی اور لاپڈ باری باری سے ملک کے وزرائے اعظم بنیں گے۔ ان قائدین کو صدر مملکت نے معاہدہ پیش کرنے کے لئے بدھ کی آدھی رات تک کا وقت دیاہے۔

اس کے بعد وزیر اعظم بینجمن نیتن یاہو کی لیکود پارٹی نے صدارتی محل اور پارلیمنٹ کو ایک خط لکھاہے کہ جیرس لاپڈ ، نفتالی کو وزیر اعظم کا عہدہ سونپنے کا اختیار نہیں ہے۔ اس کے چیلنج کو راشٹرپتی بھون نے مسترد کرتے ہوئے کہا کہ اس دعوے کی کوئی قانونی بنیاد نہیں ہے کیونکہ نفتالی متبادل وزیر اعظم کے تحت گردش کی بنیاد پر اپنی باری کا حلف لیں گے۔