تہران
ایران کے رهبر معظم آیت اللّٰہ خامنہ ای نے کہا ہے کہ ایران نے صدر اوباما کے دور میں امریکا پر بھروسہ کیا اپنی طرف سے کئے گئے وعدوں پر عمل کیا لیکن امریکا معتبر ثابت نہ ہوا ۔
رهبر اعلیٰ کا کہنا تھا کہ ایران کو جوہری معاہدے کی بحالی کی کوئی عجلت نہیں ہے ، اس جانب پیش قدمی امریکا کی طرف سے پابندیوں کو ختم کرنے سے مشروط ہے ۔
انہوں نے مزید کہا کہ ایران کے لیے امریکی وعدے قابل اعتبار نہیں ہیں۔ انہوں نے کہا کہ امریکی کاغذات میں پابندیاں ختم کرنے کا کہتے ہیں، عملی طور پر ایسا نہیں کرتے۔
آیت اللّٰہ خامنہ ای نے کہا کہ امریکی پابندیوں کے مکمل خاتمے کے بعد ہی ایران جوہری معاہدے کی پاسداری کرے گا۔
