اپوزیشن کی ناکامی

اپوزیشن لیڈرمولانا فضل الرحمان نے کل رات کو ہی دیا تھا کہ اپوزیشن اتحاد اعتماد کی تحریک میں حصہ نہیں لے گا۔ان کا کہنا تھاکہ عدم اعتماد سینیٹ کے الیکشن میں یوسف رضا گیلانی کی کامیابی کی صورت میں ہوچکا، صدر مملکت نے اجلاس بلانے کے لئے یہی لکھا ہے کہ اکثریت کا اعتماد کھوچکے ہیں اور اب اپوزیشن کی عدم شرکت کے بعد اس اجلاس کی کوئی سیاسی حثیت نہیں،عمران خان نے جس لب و لہجے میں قوم سے خطاب کیا، اس سے شکست چھلک رہی ہے۔  مولانا فضل الرحمان کا کہنا تھاکہ اس وقت کوئی حکومت نہیں، نئے انتخابات کا اعلان کریں، ہم اپنے فیصلوں اور اعلانات پر قائم ہیں اور 8 مارچ کوپی ڈی ایم کا اجلاس ہوگا جس میں آئندہ کا لائحہ عمل طے ہوگا۔لیکن اس فیصلہ کے سبب عمران خان حکومت بچ گئی۔

ایسا پہلے بھی ہوا تھا

آج پاکستانی پارلیمنٹ میں جو ہوا وہ پہلے بار نہیں ہوا ہے۔ پاکستان میں عمران خان تاریخ میں دوسرے وزیر اعظم ہیں جنہوں نے پارلیمنٹ سے 'رضاکارانہ' اعتماد کا ووٹ حاصل کرنے کا فیصلہ کیا ۔اس سے قبل میاں نواز شریف نے 1993 میں سپریم کورٹ سے بحالی کے بعد ایوان سے رضاکارانہ اعتماد کا ووٹ لیا تھا ۔محمد خان جونیجو ملکی پارلیمانی تاریخ کے وہ پہلے وزیراعظم ہیں جنہوں نے قومی اسمبلی سے اعتمادکاووٹ لیا ۔ پاکستان کی جمہوری یا پارلیمانی تاریخ میں 2 وزرائے اعظم کےخلاف تحریک عدم اعتماد آئی جو ناکام ہوئی ۔ یکم نومبر 1989 کو بے نظیر بھٹو کے خلاف تحریک عدم اعتماد 12 ووٹوں سے ناکام ہوئی ۔اگست 2006 میں شوکت عزیز کے خلاف تحریک عدم اعتماد بھی ناکام رہی ۔

مزید پڑھیں ۔ پاکستان:عمران خان حکومت کی الٹی گنتی کا آغاز