کابل : طالبان اور ایرانی سرحدی افواج کے درمیان جھڑپیں طالبان افواج اور ایران کی سرحدی فوج کے درمیان آج نیمروز صوبے کے قریب ہونے والی جھڑپوں میں ایران کی جانب سے بھاری اسلحے کا استعمال کیا گیا۔ طالبان افواج اور ایران کی سرحدی فوج کے درمیان آج افغانستان کے صوبے نیمروز کے قریب ہونے والی جھڑپوں میں ایران کی جانب سے بھاری اسلحے کا استعمال کیا گیا۔ ایران انٹرنیشنل کی طرف سے دی گئی مزید تفصیلات کے مطابق یہ جھڑپیں نیمروز صوبے کے قریب ایران اور افغانستان کی سرحد پر ہوئیں۔
آماج نیوز کے مطابق سرحد پر ہونے والی ان جھڑپوں میں ایران کی جانب سے بھاری اسلحے کا استعمال کیا جا رہا ہے جب کہ طالبان نے جواب میں امریکی ہموی گاڑیوں کا استعمال کیا گیا۔
بہرحال دوسری جانب ایران کی نیم سرکاری خبر رساں ایجنسی تسنیم نے بدھ کو بتایا کہ ایران کی سرحدی افواج اور افغان طالبان نے افغان صوبے نمروز کے قریب ایک "سرحد کی غلط فہمی" پر جھڑپیں ختم کر دیں۔ ایران طالبان کے ساتھ سرحد پر تنازعہ پر بات کر رہا ہے اور طالبان کی طرف سے ایرانی سرحدی کیمپ پر قبضے کی اطلاعات غلط ہیں۔
#BREAKING Fierce clashes have erupted between Iranian border guards and Taliban forces along Iran-Afghanistan border.
— Reza Khaasteh (@Khaaasteh) December 1, 2021
Sources told @aamajnews24 several Iranian border posts have been captured by Taliban fighters pic.twitter.com/v88lhQWcXZ
حالانکہ اس سے قبل آماج نیوز نے مقامی ذرائع کے حوالے سے رپورٹ کیا ہے کہ ان تازہ جھڑپوں کے نتیجے میں طالبان افواج نے دو چیک پوسٹوں پر قبضہ کر لیا ہے۔ ذرائع کے مطابق طالبان فورسز نے جن چوکیوں پر قبضہ کیا ہے ان میں ایک کا نام دوست محمد اور دوسری بالا سیاہ چشمان ہے۔
#BREAKING Footage of the border clashes between Iran and Taliban forces.
— Iran International English (@IranIntl_En) December 1, 2021
Sources told @aamajnews24 the Iranian side is using heavy weapons, and the Taliban have deployed the American Humvees in the fight against the Iranians pic.twitter.com/yC26LUpA5F
دوسری جانب ایران کی نیم سرکاری خبر رساں ایجنسی تسنیم کے مطابق ایران کی سرحدی افواج اور افغان طالبان نے ’سرحدی غلط فہمی‘ پر جھڑپیں ختم کر دیں۔ ’جھڑپیں ختم کرنے کے بعد ایران طالبان کے ساتھ سرحدی تنازعے پر بات کر رہا ہے۔خبر رساں ادارے تسنیم نے مزید کہا کہ طالبان کی طرف سے ایرانی سرحدی کیمپ پر قبضے کی اطلاعات غلط ہیں۔
طالبان اور ایرانی سرحد پر تعینات فورسز کے درمیان ہونے والی ان جھڑپوں کی چند ویڈیوز بھی سوشل میڈیا پر گردش کر رہی ہیں۔ صحافی بلال سروری نے ایسی ہی ایک ویڈیو شیئر کرتے ہوئے ساتھ لکھا کہ طالبان اور ایرانی بارڈر گارڈز کے درمیان لڑائی بدھ کی شام روک دی گئی۔انہوں نے لکھا کہ اس لڑائی کے نتیجے میں متعدد ہلاکتوں کا بھی خدشہ ہے۔
