اوٹاوا: کینیڈین وزیراعظم جسٹن ٹروڈو نے ہمیشہ کی طرح اس بار بھی مسلمانوں کو رمضان کی مبارکباد دی ہے۔
جسٹن ٹروڈو نے اپنے آفیشل ٹوئٹر اکاؤنٹ پر ایک ویڈیو پیغام جاری کیا۔ ویڈیو کا آغاز جسٹن ٹروڈو نے ’سلام‘ سے کیا اور کینیڈا سمیت دنیا بھر کے مسلمانوں کو رمضان کے مقدس مہینے کی مبارکباد دی۔
جسٹن ٹروڈو نے ویڈیو پیغام میں کہا آج کینیڈا اور دنیا بھر کے مسلمان رمضان کے مقدس مہینے کو منانے کا آغاز کررہے ہیں۔ یہ عبادت کا وقت ہے، غور و فکر اور ضبط نفس کا وقت ہے اور اسلام کی بنیادی اقدار جیسے امن، ہمدردی اور سخاوت کو منانے کا وقت ہے۔
To Muslim Canadians across the country: As you mark the start of Ramadan, and as you fast, pray, and reflect with your loved ones, I want to wish you a blessed and peaceful month. Ramadan Mubarak! https://t.co/3ZWN3b2Rwi pic.twitter.com/MmOox49r8F
— Justin Trudeau (@JustinTrudeau) April 1, 2022
پیغام کے آخر میں جسٹن ٹروڈو نے تمام عالم اسلام کو رمضان کی مبارکباد دیتے ہوئے کہا اپنے اہلخانہ کی طرف سے میں اور صوفی ان تمام لوگوں کے لیے نیک خواہشات کا اظہار کرتے ہیں جو بابرکت اور پُرامن رمضان منارہے ہیں۔
واضح رہے کہ سعودی عرب میں آج پہلا روزہ ہے جب کہ ہندوستان میں رمضان کا چاند دیکھنے کے بعد کل سے روزہ رکھا جائے گا۔
