بنگلہ دیش میں آج بنگابندھو شیخ مجیب الرحمن کی صد سالہ یومِ پیدائش اور بنگلہ دیش کی آزادی کی گولڈن جوبلی سے متعلق دس روزہ طویل تقریبات کا آغاز ہو گیا ہے۔ اس پروگرام کا آج بنگا بندھو شیخ مجیب کے یومِ پیدائش کے دن آغاز کیا گیا اور یہ بنگلہ دیش کے یومِ آزادی کے موقع یعنی 26 مارچ کو اختتام پذیر ہوگا۔ بنگلہ دیش کے صدر عبدالحمید اور وزیر اعظم شیخ حسینہ نے دورے پر آئے مالدیپ کے صدر ابراہیم محمد صالح کے ہمراہ، ڈھاکہ میں نیشنل پریڈ گراﺅنڈ کے مقام پر منعقد تقریب میں شرکت کی۔ وزیر اعظم نریندر مودی نے بنگابندھو شیخ مجیب الرحمن کو خراجِ عقیدت پیش کرتے ہوئے کہا کہ وہ انسانی حقوق اور آزادی کے علم بردار تھے اور وہ تمام ہندوستانیوں کے بھی ہیرو ہیں۔