بنگلادیش: دنیا کی سب سے بونی گائے توجہ کا مرکز

Story by  ایم فریدی | Posted by  [email protected] | 2 Years ago
 دنیا کی سب سے بونی گائے
دنیا کی سب سے بونی گائے

 

 

 ڈھاکا: بنگلادیش میں ’رانی’ کی دھوم ہے ۔سرخیوں میں ہے رانی۔ سب کا توجہ کا مرکز ہے رانی۔یہ ہے  51سینٹی میٹر اونچی اور 66 سینٹی میٹر لمبی گائے ،جس کا نام ہے رانی۔جسے دیکھنے کے لیے قطاریں لگ گئیں جس کے مالک کا دعویٰ ہے کہ قد کے لحاظ سے یہ گائے دنیا کی سب سے چھوٹی گائے ہے۔

 بنگلا دیش کے ایک فارم ہاؤس میں پلنے والی گائے ’’رانی‘‘ کی دھوم مچی ہے اور صرف تین روز میں اسے دیکھنے کے لیے ملک بھر سے 15 ہزار سے زائد افراد فارم ہاؤس پہنچے ہیں۔

 رانی کی پرورش کرنے والے شیکور ایگرو فارم کے منیجر ایم اے حسن نے میڈیا کو بتایا کہ یہ گائے 51 سینٹی میٹر اونچی اور 66 سینٹی میٹر لمبی ہے جب کہ اس کا وزن صرف 26 کلوگرام ہے۔ اس طرح یہ دنیا کی سب سے بونی گائے ہوئی۔

 ایم اے حسن کا کہنا تھا کہ اس وقت دنیا کی سب سے بونی گائے کا ریکارڈ بھارتی ریاست کیرالہ کی مانکیم کے پاس ہے جس کی اونچائی 90 سینٹی میٹر ہے جب کہ میری گائے رانی کی اونچائی 51 سینٹی میٹر ہے اس لیے اب یہ ریکارڈ رانی کے نام ہونا چاہیئے۔

 گائے کے مالک نے ’’رانی‘‘ کو دیکھنے کے لیے آنے والے شہریوں اور میڈیا کے سامنے بھی گائے کی پیمائش کرکے دکھائی۔ اس موقع پر عوام نے حکومت سے مطالبہ کیا کہ بھارت سے یہ اعزاز لینے کے لیے گنیز بک آف ریکارڈ سے رابطہ کرے۔