نئی دہلی

انسانی حقوق کی بین الاقوامی تنظیم ایمنسٹی انٹرنیشنل نے فلسطین پر اسرائیلی بمباری کو جنگی جرم قرار دیا ہے۔ اس کے علاوہ مہاجر کیمپ پر اسرائیلی بمباری کی تحقیقات کا بھی مطالبہ کیا گیا ہے ۔

نجی ٹی وی 92 نیوز کے مطابق ایمنسٹی انٹرنیشنل کے عہدے داروں کا کہنا ہے کہ فلسطین میں مقیم غیر مسلح شہریوں پر اسرائیل کا حملہ جنگی جرم ہے۔ مزید یہ کہ بین الاقوامی میڈیا دفاتر پر اسرائیلی بمباری کی تحقیقات ہونی چاہئے ۔

واضح رہے کہ فلسطینیوں پر اسرائیلی حملوں کی تعداد میں روز بہ روز اضافہ ہوتا جا رہا ہے۔ ان حملوں میں اب تک 181 سے زیادہ فلسطینی ہلاک ہو چکے ہیں جن میں ایک بڑی تعداد خواتین اور بچوں کی ہے ۔