نئی دہلی ۔ لاہور

پاکستان کے وزیراعظم عمران خان کے بعد ملک کی خاتون اوّل بھی کورونا وائرس کا شکار ہو گئیں۔ ٹویٹر پر پاکستانی وزیراعظم عمران خان کے معاون خصوصی زلفی بخاری نے لکھا کہ وزیراعظم عمران خان اور خاتون اوّل کی جلد صحت یابی کے لئے دعا گو ہیں۔ اللہ تعالیٰ دونوں کو شفاء دے۔

انہوں نے لکھا کہ ویکسین محفوظ ہے اس کا استعمال کریں، وزیراعظم عمران خان کورونا وائرس کا شکار ہونے سے چند روز قبل ویکسین لگوا چکے ہیں۔ ان کا کہنا تھا کہ خود ویکسین لگوائیں اور اپنے پیاروں کو بھی لگوائیں اس کےساتھ جعلی خبروں کے ساتھ لڑائی لڑیں۔

Wishing our First Lady & PM @ImranKhanPTI a speedy recovery.
May Allah give them both shifa.

Vaccines are safe & must be taken, #PMIK had his first shot just a day ago, before which he was exposed already.
Please do get yourself & loved ones vaccinated and fight the fake news! pic.twitter.com/kh7HvD2Qv5

— Sayed Z Bukhari (@sayedzbukhari) March 20, 2021

اس خبر کے بعد اب پاکستان میں سیاستداں دونوں کی صحت یابی کےلئے نیک خواہشیات کا اظہار کررہے ہیں۔ دوسری جانب ہندوستان کے وزیر اعظم نریندر مودی نے بھی اپنے ٹیوٹر پیغام میں عمران خان کی صحت یابی کی دعا کی ہے۔

Best wishes to Prime Minister @ImranKhanPTI for a speedy recovery from COVID-19.

— Narendra Modi (@narendramodi) March 20, 2021

پاکستان کے نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 42 افراد جاں بحق ہوگئے، جس کے بعد اموات کی تعداد 13 ہزار 799 ہوگئی۔ پاکستان میں کورونا کے تصدیق شدہ کیسز کی تعداد 6 لاکھ 23 ہزار 135 ہوگئی۔

گذشتہ 24 گھنٹوں کے دوران 3 ہزار 876 نئے کیسز رپورٹ ہوئے۔۔ ملک بھر میں اب تک 97 لاکھ 32 ہزار 33 افراد کے ٹیسٹ کئے گئے، گذشتہ 24 گھنٹوں کے دوران 40 ہزار 946 نئے ٹیسٹ کئے گئے، اب تک 5 لاکھ 79 ہزار 760 مریض صحتیاب ہوچکے ہیں جبکہ 2 ہزار 122 مریضوں کی حالت تشویشناک ہے۔ پاکستان میں کورونا سے ایک دن میں 42 افراد جاں بحق ہوئے جس کے بعد وائرس سے مرنے والوں کی تعداد 13 ہزار 799 ہوگئی۔ پنجاب میں 5 ہزار 944، سندھ میں 4 ہزار 478، خیبر پختونخوا میں 2 ہزار 202، اسلام آباد میں 539، بلوچستان میں 203، گلگت بلتستان میں 103 اور آزاد کشمیر میں 330 مریض جان سے ہاتھ دھو بیٹھے۔