کرکٹر ویرات کوہلی کا کہنا ہے کہ بیٹی کی پیدائش نے انکی زندگی تبدیل کردی ہے۔ یاد رہے کہ ویرات کوہلی اور انکی بالی ووڈ اسٹار اہلیہ انوشکا شرما کے ہاں اس برس جنوری میں بیٹی ومیکا کی پیدائش ہوئی تھی۔

گو کہ شہرت یافتہ جوڑا میڈیا کی نظروں سے ابتک اوجھل ہے لیکن رائل چیلنجر بنگلور کے کپتان ویرات کوہلی نے اس حوالے سے حال ہی میں اپنے خیالات کا اظہار کیا اور بتایا کہ ان کی بیٹی کی آمد نے ان دونوں کی زندگی تبدیل کر رکھ دی ہے۔

میڈیا سے گفتگو کرتے ہوئے ویرات کوہلی نے کہا کہ صرف تبدیلی نہیں بلکہ ہماری زندگی میں بہت زیادہ تبدیلی آگئی ہے۔ انھوں نے مزید کہا کہ ومیکا کے ساتھ جو تعلق ہم دونوں محسوس کرتے ہیں اس کا اندازہ یا تجربہ اس سے قبل ہمیں نہیں ہوا تھا۔

(ان پٹ ایجنسی)