چنئی: آسٹریلوی کرکٹر گلین میکسویل،اپنی دیرینہ گرل فرینڈ وینی رامن سے ہندو رسم و رواج کے مطابق رشتۂ ازدواج میں منسلک ہوگئے۔
آل راؤنڈر گلین میکسویل نے ایک ہفتہ قبل آسٹریلیا میں اپنی منگیتر وینی رامن سے شادی کرلی تھی تاہم، جوڑے نے چنئی میں ہندوانہ رسم و رواج کے مطابق شادی کی رسومات ادا کیں، جن کی تصویریں وائرل ہو چکی ہیں۔
میکسویل اور وینی نے شادی کی دو تقریبات منعقد کرنے کا فیصلہ کیا تھا، پہلے آسٹریلیا میں ہی جوڑے نے شادی کی تھی، پھر ہندو رسم و رواج میں بھی جوڑے نے شادی کی۔
From Maxwell's wedding 💙❤️
— RO45 ☀️ (@Pikachu__264) March 28, 2022
Congratulations to this beautiful couple 💃💗 pic.twitter.com/z6vIEuiwja
جوڑے کی رواں ہفتے ہندو طرز کی شادی کی تقریب کی ویڈیو وائرل ہے جس میں دیکھا جاسکتا ہے میکسویل اور وینی تامل شادیوں کی ایک مقبول رسم ادا کر رہے ہیں ۔
جوڑے کا تامل میں پرنٹ شدہ شادی کا دعوت نامہ بھی سوشل میڈیا صارفین کی توجہ کا مرکز بنا ہوا ہے۔
واضح رہے کہ میکسویل اور وینی رامن 2 سال سے زیادہ عرصے سے ڈیٹنگ کر رہے تھے اور اُنہوں نے فروری 2020 میں انسٹاگرام پوسٹس کے ذریعے اپنی منگنی کا اعلان کیا تھا۔
گلین میکسویل شادی کی وجہ سے دورہ پاکستان میں شریک نہیں ہوسکے۔ (ایجنسی)