کابل: پہلی بار آئی سی سی ٹورنامنٹ کے سیمی فائنل میں کوالیفائی کرنے والی افغانستان کی انڈر 19 کرکٹ ٹیم نے سری لنکا کو شکست دینے کے بعد گراؤنڈ میں ہی اتن ڈانس (روائتی پشتون رقص) کیا۔
ویسٹ انڈیز میں افغانستان انڈر 19 نے اعصاب شکن مقابلے کے بعد سری لنکا کو شکست دی۔ فتح کا مزہ چکھنے اور فائنل تک رسائی ملنے پر نوجوان کھلاڑیوں نے روائتی رقص کیا جس کی ویڈیو سوشل میڈیا پر وائرل ہے۔
سابق کرکٹر اور موجودہ کرکٹ کمنٹیٹر الن والکنز نے افغانستان کی ٹیم کے روایتی رقص کی ویڈیو اپنے ٹوئٹر اکاؤنٹ کی زینت بنائی جہاں سے یہ ویڈیو سوشل میڈیا پر وائرل ہوگئی۔
Dramatic day in the @ICC Under19WC at Coolidge Antigua yesterday as @ACBofficials U19 celebrate an emotional win over @OfficialSLC U19s. Heartbreaking for the losers. Pure joy for the winners. @MohammadNabi007 @rashidkhan_19 pic.twitter.com/1J6LLMynhl
— Alan Wilkins (@alanwilkins22) January 28, 2022
خیال رہے کہ آئی سی سی انڈر 19 ورلڈکپ کا سری لنکا بمقابلہ افغانستان لو اسکورنگ تھا، جسے افغان بولرز نے ٹورنامنٹ کا سب سے دلچسپ میچ بنا ڈالا۔
افغان ٹیم پہلے بیٹنگ کرتے ہوئے 134 رنز بناسکی ،عبدالہادی 97 گیندوں پر 37 اور نور احمد نے 33 گیندوں پر 30 رنز بناکر نمایاں رہے۔ افغان ٹیم نے عمدہ بولنگ اور معیاری فیلڈنگ کی مدد سے اپنے ٹارگٹ کا دفاع کیا اور سری لنکا کو ہدف سے قبل ہی دبوچ لیا اور 4 رنز سے فتح حاصل کرلی۔
Celebrate the win boys!!
— Afghanistan Cricket Board (@ACBofficials) January 27, 2022
The Future stars have all the rights in the world to celebrate thier quarter final win over SL U19s. #FutureStars | #AFGvSL | #U19CWC2022 pic.twitter.com/SNmr2jtTIx
افغان ٹیم کی عمدہ فیلڈنگ کا اندازہ اس بات سے لگایا جاسکتا ہے کہ سری لنکا کے 4 کھلاڑی رن آؤٹ ہوئے۔ افغان کھلاڑی جیت کے ساتھ ہی گراؤنڈ میں سجدہ ریز ہوگئے۔ افغانستان انڈر 19 ٹیم 2 فروری کو سیمی فائنل میں انگلینڈ ٹیم سے مقابلہ کرے گی۔ (ایجنسی)