آواز دی وائس، نئی دہلی

اب نوجوانوں میں کام کرنے کا رجحان بدل رہا ہے۔ کبھی لوگ شہر کی طرف بھاگ رہے تھے، اب نوجوان اب گاوں کی طرف بھی دیکھنے لگے ہیں اور وہاں کے حالات کو بہتر کرنے کی کوشش کر رہے ہیں۔شہر میں حاصل کئے ہنر اور تعلیم سے وہ گاوں کی تقدیر بدلنا چاہتے ہیں۔ ان کے درمیان کچھ نیا کرنا چاہتے ہیں۔ ایسے ہی ایک کشمیری نوجوان برہان الدین خطیب ہیں، جو کشمیری کی روایتی دستکاری کو عصری رنگ  دے کر مقامی دستکاروں کے لیے روزی روٹی کا ذریعہ بنے ہوئے ہیں۔

آپ کو بتاتے چلیں کہ برہان الدین خطیب نے نیشنل انسٹی ٹیوٹ آف ڈیزائن، احمد آباد سنے 2015 میں پروڈکٹ ڈیزائن گریجویشن مکمل کیا ہے۔انہیں دیگر ہم جماعتوں کی نوکری کی پیشکش کی گئی، مگر انہوں نے نوکری کرنے بجائے کشمیر واپس جاکر مقامی دستکاری میں اختراعات کرنا شروع کیا۔ برہان نے سنہ 2018 میں اپنے تاجر دوست اشفاق میر کے ساتھ سری نگر میں کشمیر انوویشن لیب (اسٹوڈیو کلیاب:Studio Kilab) کی بنیاد رکھی۔اس کے تحت وہ منظم انداز میں کام کر رہے ہیں۔

اس سلسلے میں برہان الدین خطیب نے کہا کہ میں کسیایم این سییا کسی مین اسٹریم کمپنی میں جاب کر سکتا تھا، لیکن پھر میں نے اپنےآپ سے سوچا کہ اگر میں اپنے وطن جا کر خود کچھ نہیں کروں گا، تو میں کیسے امید رکھ سکتا ہوں کہ کوئی اور ہماری مدد کے لیے آئے گا؟  برہان نے روایتی کشمیری دستکاری کو عصری ڈیزائن کے ساتھ یکجا کرنے کا ایک طریقہ تلاش کیا ہے اور اسے ایک پائیدار ترقی دی ہے۔

اپنے وطن یعنی کشمیر واپس جاکر وہاں کی روایتی دستکاری کو فروغ دینے کا خیال اس وقت ہوا، جب  یونیورسٹی کی تعلیم کے دوران  برہان کی ملاقات  انڈونیشیا سے تعلق رکھنے والے ایک ڈیزائنر سنگھی کارٹونو سے ہوئی تھی۔ اس سے وہ بہت متاثر ہوئے. برہان نے ایک بڑی یونیورسٹی  سے تعلیم حاصل کی، تاہم وہ اپنے گاؤں میں یہ دیکھنے کے لیے گئے کہ وہ مصنوعات کو ڈیزائن کرنے کے لیے مقامی مواد اوردستکاری کو کس طرح استعمال کر سکتے ہیں۔

وہ بتاتے ہیں کہ  اس مشاہدے نے مجھے بہت متاثر کیا، کیونکہ کشمیر کے لوگوں کے پاس بہت سی صلاحیتیں ہیں جن کا استعمال نہیں کیا گیا ہے۔   وہ کہتے ہیں اس خطے کے پاس مواد کے لحاظ سے پیش کرنے کے لیے بہت کچھ ہے۔ لوگ ان کا استعمال کیوں نہیں کرتے؟ اس خیال نے مجھے بہت پریشان کر دیا۔ اس کے بعد انہوں نے یہ سمجھنے کی کوشش کی کہ  کس طرح دستکاری کو روزی روٹی پیدا کرنے اور پائیدار ڈیزائن کو مزید عملی بنانے کے لیے استعمال کیا جا سکتا ہے۔

 میں نے یہ دیکھنا شروع کیا کہ حکومت دستکاری کی صنعت کے لیے کیا کر رہی ہے، یا اگر یہاں پر دیگر کمپنیاں بھی اسی طرح کے منصوبے کر رہی ہیں تو وہ کس حد تک کارآمد۔ مجھے پتا چلا کہ ان میں سے اکثر تنظیمیں آتی ہیں، چند پروجیکٹ کرتے ہیں اور چلے جاتے ہیں۔ ان کے پاس کوئی طویل مدتی منصوبہ نہیں ہے۔

وہ بتاتے ہیں کہ میں نے اشفاق میر کے لیے کچھ پروجیکٹس پر کام کیا۔ اشفاق میر کا روایتی دستکاری کا خاندانی کاروبار تھا ۔اس کے بعد دونوں نے مل کر اسٹوڈیو کلیاب کی بنیاد رکھی۔  برہان کا کہنا ہے کہ انہوں نے دنیا کا سفر کیا ہے اور وہ سمجھتے ہیں کہ پائیدار ڈیزائن میز پر لا سکتے ہیں۔ وہ کہتے ہیں کہ ہم نے جو سب سے دلچسپ پروڈکٹ بنائی ہے وہ چکن کوپس(chicken coops)ہے، یہ کافی منفرد ہے، اور بہت زیادہ پسند کیا جا رہا ہے۔ برہان نے کاغذ کی مشین کا استعمال کرتے ہوئے جدید بلوٹوتھ اسپیکر بھی بنائے۔

بلوٹوتھ اسپیکرز کے بارے میں بات کرتے ہوئے وہ کہتے ہیں کہ دستکاری کو نئی ٹیکنالوجی اور الیکٹرانکس کی طرف لانا ضروری ہے۔اس لیے بھی ضروری ہے کہ یہ چیزیں ماحول دوست ہیں۔  برہان کہتے ہیں کہ اگرچہ اسٹوڈیو کلیاب اپنے بڑھتے ہوئے مرحلے میں ہے، وہ سری نگر اور آس پاس کے علاقوں کے 100 سے زیادہ کاریگروں کو   روزی روٹی فراہم  کررہا ہے۔

وہ بتاتے ہیں کہ  ہم ایک ایسے وقت میں تقریباً آٹھ سے دس کاریگروں کو ایک پروجیکٹ میں شامل کرتے ہیں۔ بہت ساری تربیت ہے جو اس عمل میں شامل ہوتی ہے کیونکہ ہم روایتی مصنوعات نہیں بنا رہے ہیں بلکہ انہیں ایک عصری رنگ  دے رہے ہیں جس کے لیے بہت زیادہ تحقیق اور تجربے کی ضرورت ہے۔ وبائی امراض کی وجہ سے لاک ڈاؤن سے باہر آنے کے بعد، آج برہان کہتے ہیں کہ کمپنی  مستحکم حالت میں ہے، تاہم مشکلات کم نہیں ہیں۔ 

وہ کہتے ہیں کہ کشمیر میں کام کرنا اپنے آپ میں ایک بڑا چیلنج ہے۔  ہم کافی عرصے سے سیاسی حالات کے شکار ہیں۔ سیاست نے یہاں کے ورک کلچر کو نقصان پہنچایا ہے۔ کام کرنے کا منظم انداز، کام کرنے میں مستقل مزاجی یہاں غائب ہوچکی ہے۔اگر آپ کہیں سے دس کام کر سکتے ہیں، تو کشمیر میں ایک ہی وقت میں دو یا شاید تین رہ جاتے ہیں۔ برہان کا کہنا ہے کہ موسم بھی کام پر اثر انداز ہوتا ہے۔ تاہم یہ صرف وہی رکاوٹیں نہیں ہیں جن کا اسے سامنا ہے۔

کشمیر میں فنڈنگ ​​ایک مسئلہ ہے، نہ صرف ہمارے لیے بلکہ کسی بھی نئے کاروباری کے لیے۔ کسی بھی تخلیقی کاروبار کے لیے آپ کو پہلے پیسے لگانے کی ضرورت ہے۔ یہ زیادہ تر گھریلو کاروبار ہیں جو اسے بناتے ہیں، ایک نئے کاروبار کے لیے یہ مشکل ہے۔ برہان کا کہنا ہے کہ ان کے پاس کمپنی کے لیے اور بھی بہت سے منصوبے ہیں۔ 

اب ہم ایک ٹیم کو دوبارہ بنانے کی کوشش کر رہے ہیں جوکورونا وائرس کی وباکی وجہ سے متاثر ہوئی تھی۔ ہم نے اپنا نیا کلیکشن پہلے ہی لانچ کیا ہے اور اس کا اچھا رسپانس ملا ہے۔ اگرچہ ہمارا بنیادی مقصد ہمیشہ زیادہ سے زیادہ کشمیری کاریگروں کو روزی روٹی فراہم کرنا اور زیادہ پائیدار مصنوعات تیار کرنا ہے، ہم عالمی مارکیٹ میں بھی داخل ہونا چاہتے ہیں۔ توسیع یقینی طور پر افق پر ہے، ہم مختلف جگہوں پر نمائش کر رہے ہیں، ہم مختلف برانڈز کے ساتھ بھی تعاون کرنے کی کوشش کر رہے ہیں۔

برہان نے مزید کہا کہ کئی دہائیوں کے سیاسی انتشار کی وجہ سے کشمیر ہمیشہ سے بند اور باقی دنیا سے الگ تھلگ رہا ہے۔  نتیجتاً، یہاں کے کاریگروں کو کبھی بھی ترقی کرنے کا موقع نہیں ملا۔ وہ بغیر کسی اختراع کے بار بار وہی چیزیں بنا رہے ہیں۔   ہمیں ترقی کرنے اور انڈسٹری میں دوسروں کے برابر کھڑے ہونے کا موقع نہیں ملا۔ ہمیں ایک ایسے پلیٹ فارم کی ضرورت تھی جس کا ایک طویل المدتی وژن ہو، جو اس جگہ سے تعلق رکھتا ہو تاکہ دستکاری کو عصری اور پائیدار خیالات کے قریب لایا جا سکے اور اسی لیے اسٹوڈیو کلیاب ایک ایسا پلیٹ فارم ہے جو ایسا کرنا چاہتا ہے۔