ثاقب سلیم، نئی دہلی

'تقسیم کرو اور حکومت کرو' وہ سیاسی آلہ تھا جسے برطانوی حکومت نے ہندوستان کو اپنے کنٹرول میں رکھنے کے لیے استعمال کیا تھا۔انگریزوں نے ہندوستانیوں کو کئی گروہوں میں تقسیم کرنے کی کوشش کی۔ ان کی جانب سے کی جانے والی سب سے اہم تقسیم مذہبی تقسیم تھی۔انہوں نے ہندوستان کےاندرمذہبی فرقہ واریت کی راہ ہموار کی۔

انگریزوں نےمسلمانوں،ہندوؤں اورسکھوں کو یہ باورکرایا کہ وہ مختلف لوگ ہیں اور ایک دوسرے کے دشمن ہیں۔1857میں جب ہندوستانیوں نے اپنی پہلی قومی جنگ آزادی کا جھنڈا بلند کیا توانگریزوں نےمحسوس کیا کہ ہندوستان جیسے بڑے ملک کو زیر کرنے کا ان کے پاس واحد ہتھیار یہ ہے کہ ہندوستانی شہریوں کو چھوٹے چھوٹے متحارب گروہوں میں تقسیم کردیا جائے۔ اس منصوبے کو 1857 میں بڑے پیمانے پر عمل میں لایا گیا۔

غیر ملکی حکمرانوں نے ہندوستان میں فرقہ وارانہ فسادات کروانےکے لیے ہندوؤں اورمسلمان دونوں کو رشوت دینے کی کوشش کی۔ اس سلسلے میں  انگریزوں نےکئی ریاستوں کو مالیاتی ایوارڈز کی بھی پیشکش کی۔

یکم دسمبر 1857 کو اودھ کےچیف کمشنرکےسکریٹری نےحکومت ہند(برطانیہ کے زیرانتظام) کےسکریٹری کوخط لکھا کہ ان روپیوں کولینے والا کوئی نہیں ملا۔

خیال رہے کہ انگریزوں کے خلاف لڑنے والے مسلمانوں کے خلاف ہتھیار اٹھانے کے لیے انگریزوں نے بریلی کے ہندوؤں کے درمیان 50 ہزار روپیہ تقسیم کرنے کا منصوبہ بنایا۔  انہوں نے لکھا کہ چیف کمشنر کے اپنے لارڈ شپ کو لکھے گئے خط کے حوالے سے گورنر جنرل نے مورخہ 14 ستمبر کو کہا تھا کہ انہیں روپے کی تقسیم کا پورااختیار دیا گیا ہے۔ اس لیے بریلی کی ہندو آبادی کو محمود باغیوں کے خلاف اکٹھا کرنے کی کوشش میں 50,000 خرچ کیے جائیں گے۔

 انہوں نے مزید لکھا کہ مجھے ہدایت دی گئی ہے کہ کیپٹن گون کی طرف سے 11 ویں الٹیمو کے خط کی مثال دی جائے۔ جس سے کونسل میں ان کی لارڈ شپ یہ سمجھے گی کہ یہ کوشش کافی حد تک ناکام رہی اور زیر بحث رقم کے کسی بھی حصے کے خرچ کیے بغیر اسے ختم کر دیا گیا ہے۔

کیپٹن گون نے لکھا کہ میں یہاں ٹھاکروں کے چکر لگانے کی اپنی کوشش میں کافی حد تک ناکام رہا ہوں کہ وہ بہت سے آدمیوں کو اکٹھا کریں۔  یہ کہنے کی ضرورت نہیں کہ انگریزوں کی ہندوؤں اور مسلمانوں کو تقسیم کرنے کی پالیسی بری طرح سےناکام ہو گئی۔

انگریزوں کو اندازہ ہوگیا کہ عام لوگ آپس میں لڑنے کے لیے پیسے قبول نہیں کریں گے۔ تاہم  امیر شاہی 'ہندوستانیوں' کے بارے میں ایسا کہنا شاید درست نہیں تھا؟

اس تجزیہ کے بعد برطانوی حکومت نے راجپوت ریاستوں سے مدد مانگتے ہوئے وعدیٰ کیا کہ ہندوستان میں نوآبادیاتی حکومت ہندوؤں کو جابرانہ مسلم حکمرانی سے آزاد کرانے کے لیے آئی تھی۔ اس نے دعویٰ کیا کہ ان سے پہلے ہندوؤں کو مندر بنانے کی اجازت نہیں تھی۔ یہ تاریخ کا حصہ ہے کہ ان میں سے اکثر ریاستوں کے شہزادوں نے برطانوی حکمرانوں کی مدد کی یا ان میں سے کچھ غیر جانبدار رہے۔ 

اگرچہ انگریزوں نے ہر ممکن طریقے سے انہیں رشوت کی پیش کش کی تھی۔راجپوت ریاستوں کی طرف سے دی جانے والی تمام امداد کا بدلہ اس آزادی سے دیا جائے گا جس نے برطانوی حکومت کو ان کے ساتھ معاملات میں کبھی ممتاز کیا ہے۔

  لیکن اب سوال یہ پیدا ہوتا ہے کہ کیا اس طرح کے فرقہ وارانہ محرکات نے عام ہندوستانیوں کو متاثر کیا؟ نہیں، ان میں سے کئی ریاستوں کے عام لوگوں نے بغاوت کا جھنڈا بلند کیا۔

برطانوی اہل کاروں کےخطوط، رشوت، فرقہ وارانہ زبان اور ہندو مسلم فسادات کروانے کی مایوسی کو ظاہر کرتے ہیں کہ غیر ملکی حکمرانی کا زندہ رہنا کتنا ضروری تھا۔ بیشتر ہندوستانی انگریزوں کے ذریعہ بچھائے گئے جال میں نہیں پھنسے تاہم یہ افسوس کی بات ہے کہ بعد میں لوگوں کو سیاست داں کہلانے والے کٹھ پتلیوں کے ذریعے لڑنے پر مجبور کیا گیا۔

اس میں کوئی دو رائے نہیں کہ ہمارے لیے شان و شوکت کا راستہ تمام ہندوستانیوں کے اتحاد سے گزرتا ہے۔