تریچور: آواز دی وائس

زبان کا کوئی مذہب نہیں ،ہر مذہب کو زبان کی ضرورت ہوتی ہے۔ زبان علم کا ذریعہ ہے۔ علم کا دروازہ ہے۔جبکہ دیگر مذاہب کی معلومات ایک سرمایہ ہے،یہی وجہ ہے کہ  جنوبی ہند کے تریچور میں واقع اکیڈمی آف شریعہ اینڈ ایڈوانسڈ اسٹڈیز میں نہ صرف سنسکرت بلکہ گیتا کی تعلیم بھی دی جاتی ہے۔

ایک اسلامی ادارہ جو طلباء کو عالم اور مدرسہ کے اساتذہ بننے کی تربیت دیتا ہے - اسلامی شریعت میں گریجویشن کے ساتھ ساتھ کالی کٹ یونیورسٹی کے تحت آرٹس میں ڈگری فراہم کرتا ہے۔ مگر اس ادارے نے دیگر زبانوں  کو بھی گلے لگایا ہے ۔جس کے تحت سنسکرت، ہندوستانی روایت اور دیگر بڑی عالمی زبانیں بھی پڑھائی جاتی ہیں۔ جو کہ ملک دینار اسلامک کمپلیکس  کے تحت ہے  جو کہ ساکتھن نگر،تریچور میں واقع ہے۔

پلکاڈ کے پٹمبی کے رہنے والے رنشاد سی پی اسلامی شریعت پر کورس کر رہے ہیں۔ وہ سنسکرت سیکھنے کے علاوہ اپنشد، ادویت فلسفہ اور بھگواد گیتا پر بھی کلاس لے رہے ہیں۔ یہ محض ذاتی دلچسپی سے باہر نہیں ہے کہ رنشاد ہندوستانی فلسفہ اور ہندو صحیفوں کا مطالعہ کر رہے ہیں۔

تریچور کی اکیڈمی آف شریعہ اینڈ ایڈوانسڈ اسٹڈیزکی طرف سے پیش کردہ اسلامی شرعی کورس کو اس طرح ڈیزائن کیا گیا ہے

ایک ایسی دنیا میں جہاں لوگ ان عقائد کا مذاق اڑانے میں سکون تلاش کرتے ہیں جو ان سے مختلف ہوتے ہیں، یہ ادارہ دکھاتا ہے کہ اس طرح کے خیالات کے بارے میں سیکھنا کس طرح ایک شخص کے علم کو بڑھاتا ہے۔

اس پہل یا اقدام کے سبب یہ ادارہ دوسرے اسلامی اداروں سے الگ محسوس ہوتا ہے۔جو کہ مالک بن دینار اسلامک کمپلیکس کے  زیر انتظام ہے، یہ انسٹی ٹیوٹ ایک سنی تنظیم، سمستھا کیرالہ جمیتہ العلماء کے زیر انتظام ہے۔

سمستھا ایرناکولم ضلع سکریٹری اونمپلی محمد فیضی، جو خود ایک سنسکرت اسکالر ہیں، انسٹی ٹیوٹ کے پیچھے  انہیں کا دماغ کام کررہا ہے ۔

یہاں، ہم اپنے طلباء کو ہندوستانی ثقافت کے بھرپور تنوع سے آگاہ کرنے کی کوشش کرتے ہیں اور ایک ایسے وقت میں ان میں ایک مثبت جذبہ پیدا کرنے کی کوشش کرتے ہیں جب ان  کے اردگرد منفی سوچ  اور زہریلا ماحول پریشان کن ہے -جنہوں نے سری سنکارا کالج، کالاڈی سے میڈیسن گریجویشن اور پوسٹ گریجویشن کیا۔

فیضی نے کہا کہ سنسکرت کو ایک منظم طریقے سے پڑھایا جاتا ہے، جس کی شروعات سدھاروپم سے ہوتی ہے۔ جو لوگ اسے سیکھنے میں زیادہ دلچسپی رکھتے ہیں انہیں اعلیٰ سطحوں پر بھیجا جاتا ہے۔ سنسکرت کے اسکالر کے پی نارائن پشارودی کے شاگرد یتیندرن ہمارے فیکلٹی ممبران میں سے ایک ہیں۔ انہوں نے کہا میں بھگواد گیتا سکھاتا ہوں۔

مشہور سنسکرت اسکالر کے پی نارائن پشارودی کے شاگرد کے کے یتیندرن اس میں سنسکرت پڑھا رہے ہیں۔ ادارے کے پرنسپل استاد محمد فیضی اونامپلی نے کہا کہ طلباء کالی داس کی مہاکاوی نظمیں جیسے رگھوامسا اور کمارسمبھوا سیکھیں گے۔

ایس ایس  مکمل کرنے والے طلباء کو رہائشی آٹھ سالہ کورس کے لیے منتخب کیا جاتا ہے، جس کے دوران وہ باقاعدہ اسکول اور یونیورسٹی کی تعلیم کے ساتھ ساتھ اسلام کے بارے میں گہرائی سے معلومات حاصل کرتے ہیں۔ کلاسز صبح 6 بجے شروع ہوتی ہیں اور شام 5 بجے تک ختم ہوتی ہیں۔

طلباء کے لئے ایک نادر موقع

دوسری کمیونٹی کی زبان، ثقافت اور فلسفہ سیکھنے کی ایسی کوشش ایک نادر واقعہ ہے۔ "ہم طلباء کو اسلامی اسکالرز اور اساتذہ بننے کی تربیت دے رہے ہیں ، ہم چاہتے ہیں کہ ان کے پاس ایک کثیر الثقافتی معاشرے کے لیے موزوں نقطہ نظر ہو۔

جب وہ ہندوستان کی ثقافت اور فلسفہ کی گہرائی سے کوئی زبان سیکھیں گے تو ان کے نقطہ نظر کو صحیح طریقے سے ڈھالا جائے گا۔ اس کے ساتھ ساتھ وہ شریعت پر قائم رہیں گے۔ ایک کثیر لسانی نقطہ نظر کے ذریعے، ہم طلباء میں مختلف ثقافتوں کو سمجھنے کی حکمت پیدا کر سکتے ہیں

انسٹی ٹیوٹ سنسکرت پر باقاعدگی سے ورکشاپس کا انعقاد کرتا ہے اور طلباء کو اسے بولنے کا طریقہ سیکھنے کی ترغیب دیتا ہے۔ فیضی کہتے ہیں کہ "نبی کریم نے ایک نوجوان کو شامی زبان سیکھنے کو کہا تھا۔ جتنا زیادہ ہم دوسرے نظاموں کو تلاش کرتے ہیں، اتنا ہی ہمارے افق وسیع ہوتے جاتے ہیں،۔ انہوں نے کہا کہ اسلامی مضامین کی تعلیم حاصل کرنے والے مسلمان طلباء میں سے ایک رکاوٹ یہ ہے کہ وہ صرف اسلامی اصطلاحات جانتے ہیں۔اس سے معاشرے کے دوسرے طبقوں کے ساتھ ان کی بات چیت میں رکاوٹیں پیدا ہوتی ہیں

طلباء کو ایس ایس ایل سی امتحان پاس کرنے کے بعد ادارے میں داخلہ دیا جاتا ہے۔ آٹھ سالہ کورس مکمل کرنے کے بعد، انہیں مذہبی ڈگری کے علاوہ یونیورسٹی کی ڈگری بھی حاصل ہوتی ہے جس کا عنوان ’مالکی‘ ہے۔

گریجویٹ ڈگری کالی کٹ یونیورسٹی کے فاصلاتی تعلیم کے سلسلے میں فراہم کی جاتی ہے۔ چھٹے سال کے ایک طالب علم رنشاد نے کہا: "میرا کورس میں شامل ہونا خوش قسمتی تھی کیونکہ ہمیں یہاں کے ماہرین سے سنسکرت سیکھنے اور دیگر عقائد اور علم کی شاخوں کے بارے میں جاننے کا موقع مل رہا ہے۔"