نئی دہلی: بالاکوٹ میں ہندوستانی فضائیہ کی فضائی کارروائی کے ایک دن بعد پاکستانی ایف-16 طیارے کو مار گرانے والے پائلٹ ابھینندن وردھمان کو گروپ کیپٹن کے عہدے پر ترقی دی گئی ہے۔ ونگ کمانڈر موجودہ فضائیہ کے ان پائلٹس میں شامل تھے جنہوں نے 27 فروری 2019 کو پاکستانی لڑاکا طیاروں کو مار گرایا تھا۔

آسمان میں جدوجہد کے دوران ونگ کمانڈر وردھمان نے اپنے مگ 21 بائیسن طیارے کے ساتھ ایک پاکستانی ایف-16 لڑاکا طیارے کو مار گرایا تھا۔ تاہم اس دوران ان کے طیارے پر حملہ بھی ہوا جس کی وجہ سے انہیں پیراشوٹ جمپ کرنا پڑا اور وہ پاکستانی مقبوضہ کشمیر میں اترے جہاں انہیں پاکستانی فوج نے اپنی تحویل میں لے لیا۔

ہندوستان کے سفارتی اور فوجی دباؤ کے سامنے جھکتے ہوئے پاکستانی فوج نے انہیں تقریباً 60 گھنٹے بعد وطن واپس بھیج دیا۔ انہیں بہادری کے لیے ویر چکر سے نوازا گیا۔ جموں و کشمیر میں سرحد پار سے دہشت گردانہ حملے کے جواب میں فضائیہ نے 26 فروری 2019 کو بالاکوٹ میں ایک فضائی حملہ کیا جس میں بڑی تعداد میں دہشت گرد مارے گئے تھے۔ اگلے دن پاکستان نے اپنے لڑاکا طیارے ہندوستانی فضائی حدود کی طرف کارروائی کے لیے بھیجے۔ ان طیاروں کو ہندوستانی فضائیہ نے بھگا دیا اور اس دوران ونگ کمانڈر ورتھمان نے ایک پاکستانی لڑاکا طیارے کو مار گرایا۔