آوازدی وائس، نئی دہلی

سپریم کورٹ نےٹی وی چینلز پر چل رہے مباحثوں پر سخت تبصرہ کیا ہے۔ سپریم کورٹ نے ایک درخواست کی سماعت کرتے ہوئے کہا کہ ٹی وی چینل پرعدالت میں زیر غور معاملے پر بحث کیوں کی جا رہی ہے؟ 

سپریم کورٹ جمعہ کو نوپور شرما کی درخواست پر سماعت کر رہی تھی۔ پیغمبر اسلام پر مبینہ ریمارکس کے معاملے میں نوپور شرما نے درخواست دائر کی تھی کہ ان کے خلاف کئی ریاستوں میں درج کئےایف آئی آر کی جانچ کے لیے تمام کیس دہلی منتقل کیے جائیں۔

اس درخواست پر سماعت کرتے ہوئے سپریم کورٹ نے پوچھا کہ ٹی وی چینل نے عدالت میں زیر سماعت معاملے پر بحث کیوں کرائی؟

جسٹس سوریہ کانت اور جے بی پردی والا کی بنچ نے پوچھا کہ ٹی وی چینل کو اس معاملے پر بحث کرنے کی کیا ضرورت تھی؟ صرف ایجنڈے کو فروغ دینے کے لیے ایسا کیا گیا ہے؟ 

اہم بات یہ ہے کہ نوپورشرمانےانگریزی نیوز چینل ٹائمز ناؤ میں گیان واپی مسجد کے معاملے پر پینل بحث کے دوران متنازعہ تبصرہ کیا تھا، جو عدالت میں زیر التواء ہے۔

اس شو میں نوپور شرما کے پیغمبر محمد کے بارے میں کیے گئے تبصرے نے بڑا تنازع کھڑا کر دیا تھا۔ نوپورشرما کو بی جے پی کے ترجمان کے عہدے سے ہٹا دیا گیا۔ملک اندر اور بیرون مسلم ممالک کے غم و غصے کے بعد پارٹی کی رکنیت سے معطل کر دیا گیا تھا۔

قانونی معاملات کی ویب سائٹ لائیو لا میں شائع رپورٹ کے مطابق، شرما کی طرف سے پیش ہونے والے سینئر وکیل منیندر سنگھ نے جمعہ کو سماعت میں کہا کہ یہ بیان اشتعال انگیز حالت میں دیے گئے تھے۔انہوں نے مزید کہا کہ اس معاملے پرکمیونٹی کے اندر ایک سنجیدہ بحث چل رہی ہے، اور شرما کے ریمارکس بھی اس سے مختلف نہیں ہیں۔

سپریم کورٹ نے کہا کہ جب معاملہ زیر سماعت ہے تو چینل کو اس پر بحث کرنے کا کوئی حق نہیں ہے۔اس میں مزید کہا گیا ہے کہ اگرشرما بحث کے مبینہ غلط استعمال سے ناراض ہیں تو انہیں اینکر کے خلاف ایف آئی آر درج کرانی چاہئے تھی۔

سپریم کورٹ نے کہا کہ محض قومی سیاسی جماعت کا ترجمان ہونا کسی کے خلاف توہین آمیزریمارکس کرنے کا لائسنس نہیں دیتا۔عدالت نےمزید کہا کہ’یہ بالکل مذہبی لوگ نہیں ہیں،اشتعال انگیز بیانات دیتے ہیں‘۔

سپریم کورٹ نے نچلی عدالتوں کو نظرانداز کرتے ہوئےبراہ راست سپریم کورٹ سے رجوع کرنے پر شرما پر بھی اعتراض کیا۔عدالت نے کہا کہ درخواست سے اس کے تکبر کو جھٹکا لگتا ہے کہ ملک کے مجسٹریٹ اس کے لیے بہت چھوٹے ہیں۔

شرما کی عرضی پرعدالت نے کہا کہ عدالت کا ضمیر مطمئن نہیں ہے آپ دوسرے اقدامات کا فائدہ اٹھاتے ہیں۔ اور اس کے تحت نوپورشرما کو پٹیشن واپس لینے کی آزادی دی گئی۔