لندن: برطانوی شاہی خاندان کے تمام افراد میں سے شہزادہ ہیری اور ان کی اہلیہ میگھن مارکل کی سب سے زیادہ اچھی تصاویر آتی ہیں۔
ذرائع کے مطابق فوٹوگرافی کے ماہرین کا کہنا ہے کہ شاہی خاندان کے تمام افراد میں سے شہزادہ ہیری اور ان کی اہلیہ میگھن مارکل کے چہرے سب سے زیادہ فوٹوجینِک( یعنی جس کی تصاویر اچھی آتی ہوں ہیں۔
فوٹوگرافی کی ایک کمپنی کے ترجمان کا کہنا ہے کہ’جب بات رومانس اورجذبات کی ہو تو شہزادہ ہیری اور میگھن مارکل ایک مثال ہیں۔
ہیری اور ان کی اہلیہ
انہوں نے کہا کہ وہ مسلسل یہ بات ثابت کرتے ہیں کہ زندگی میں میڈیا کی نظروں کا مرکز بنے رہنا ان کے لیے محبت اور خوشی سے ذیادہ اہم نہیں ہے۔
انہوں نے کہا کہ’میگھن مارکل آج دنیا کی بااثر خواتین میں سے ایک ہیں۔ میگھن اور شہزادہ ہیری کی سوشل میڈیا پر موجودگی بھی بہت متاثر کن ہے۔ شاہی جوڑے میں اپنے خیراتی کام اور دنیا کو ایک بہتر جگہ بنانے کی خواہش کے ذریعے حقیقی تبدیلی کو سامنے لانے کی صلاحیت ہے‘۔
ملکہ الزابیتھ کے ہمراہ میگھن مارکل
انہوں نے مزید کہا کہ ’ہیری اور میگھن کے پاس شاہی خاندان میں اب کوئی سرکاری عہدہ نہیں ہے‘۔
تاہم، یہ واضح ہے کہ وہ، مرحومہ شہزادی ڈیانا کی طرح دل کے شاہی ہیں اور دنیا بھر میں لوگ ان سے دل کی گہرائیوں سے محبت کرتے ہیں۔