نئی دہلی / پٹنہ

اسلامی اسکالر اور آل انڈیا مسلم پرسنل لا بورڈ کے جنرل سکریٹری مولانا محمد ولی رحمانی کے بارے میں تشویشناک خبریں آرہی ہیں۔ تین دن گزر جانے کے بعد بھی ان کی صحت میں کوئی بہتری نہیں آئی ہے۔ وہ شدید بیمار ہیں اوراسپتال کے آئی سی یو وارڈ میں داخل ہیں۔

ولی رحمانی بہار ، اڈیشہ ، جھارکھنڈ میں امار ت شرعیہ کے امیر شریعت بھی ہیں۔ تقریبا تین دن پہلے ، اچانک ان کی طبیعت خراب ہوگئی تھی اور جب وہ شدید علیل ہوگئے تو انہیں اسپتال کے آئی سی یو وارڈ میں داخل کرانا پڑا۔ ان کے مرض کی تشخیص کے حوالے سے ابھی تک امار ت شرعیہ کی طرف سے کچھ نہیں کہا گیا ہے۔

ان کی طرف سے صرف دعائیں اور ان کی صحت یابی کے لئے اپیلیں کی جارہی ہیں۔

ذرائع کا کہنا ہے کہ اسے ایک ہفتہ قبل ہی کرونا کی ویکسین پلائی گئی تھی۔ جب تک امارت شرعیہ یا مسلم پرسنل لا بورڈ کی طرف سے کوئی مستند بیان نہ آجائے یہ کہنا قبل از وقت ہوگا کہ آیا صحت ویکسین کی وجہ سے خراب ہوئی ہے یا کسی اور وجہ سے۔

میرے مرشد گرامی حضرت مولانا محمد ولی رحمانی سخت علیل ہیں ۔ ہاسپٹل میں آئی سی یو میں شریک ہیں ۔ کوئی شک نہیں کہ وہ ملت اسلامیہ کا بیش قیمت سرمایہ ہیں ۔ تمام بھائیوں اور بہنوں سے گزارش کرتا ہوں کہ حضرت والا دامت برکاتہم کے لئے دعائے صحت و شفاء فرمائیں ۔

— Maulana Umrain Mahfuz Rahmani (@MaulanaUmrain) March 29, 2021