وزیر صحت ڈاکٹر ہرش وردھن نے کہا ہے کہ اس سال کے آخر تک بھارت کی پوری بالغ آبادی کے ٹیکہ لگادیا جائے گا۔ انھوں نے کہا کہ اس اندیشے کے پیشِ نظر کہ مستقبل میں اس وائرس کی نئی قسم بچوں کےلئے خطرناک ہوسکتی ہے۔

حفظانِ صحت کی سہولتوں میں اضافہ کیا جارہا ہے۔ کووڈ جائزہ میٹنگ کے دوران ڈاکٹر ہرش وردھن نے کہا کہ اس سال اگست اور دسمبر کے درمیان بھارت میں 216 کروڑ ٹیکے، جبکہ جولائی تک 51 کروڑ سے زائد ٹیکے دستیاب ہوں گے۔ کل وزیرِ صحت نے چھتیس گڑھ، گوا، ہماچل پردیش، پڈوچیری، انڈمان اور نکوبار جزائر، چنڈی گڑھ، دادر اور نگر حویلی اور دمن و دیو، لداخ اور لکشدیپ میں کووڈ اُنیس سے مؤثر طور سے نمٹنے کے عمل کا جائزہ لیا۔