لکھنؤ: اتر پردیش اے ٹی ایس نے تبدیلی مذہب کے ملزم محمدعمر گوتم کے بیٹے عبداللہ کو گرفتار کیا ہے۔
اے ٹی ایس کی ایک سرکاری ریلیز کے مطابق عبداللہ کو اتوار کو گوتم بدھ نگر سے گرفتار کیا گیا تھا۔
اس سے فنڈنگ کے ذرائع اور دیگر ملزمان کے ساتھ روابط کے بارے میں پوچھ گچھ کی جارہی ہے۔ اے ٹی ایس کے ایک سینئر افسر نے بتایا کہ تحقیقات کے دوران پتہ چلا کہ عبداللہ تبدیلی کے ریکیٹ میں گہرا ملوث تھا اور مذہب تبدیل کرنے والوں میں رقم تقسیم کرنے کا ذمہ دار تھا۔
وہ اپنے والد عمر گوتم، جہانگیر عالم، کوثر اور فراز شاہ سمیت دیگر ملزمان کے ساتھ مل کر کام کرتا تھا۔ وہ اسلامک دعوۃ سنٹر سے بھی وابستہ تھا۔ وہ اپنے اکاؤنٹس میں انہی ذرائع سے رقم وصول کرتا ہوا پایا گیا جہاں سے اس کے والد کو رقم ملی تھی۔