آواز دی وائس، نئی دہلی

 وزیر خارجہ ایس. جے شنکر نے جمعرات کو کہا کہ وزارت خارجہ سے متعلق پارلیمانی مشاورتی کمیٹی کے تمام اراکین نے یوکرین سے تمام ہندوستانیوں کو واپس لانے کی حکومت کی کوششوں کی  متفقہ حمایت کی ہے۔

میٹنگ کے بعد انہوں نے کہا کہ یوکرین میں پیش رفت پر وزارت خارجہ کی مشاورتی کمیٹی کا اجلاس ابھی اختتام پذیر ہوا۔ اس معاملے کے اسٹریٹجک اور انسانی پہلوؤں پر اچھی بات چیت ہوئی۔ کوششوں کی حمایت کی گئی۔ یوکرین سے تمام ہندوستانیوں کو واپس لانا ہے، یہ ایک مضبوط اور متفقہ پیغام ہے۔

ذرائع کے مطابق جے شنکر اور خارجہ سکریٹری ہرش وردھن شرنگلا نے پارلیمانی کمیٹی کے ارکان کو جنگ زدہ یوکرین سے پھنسے ہوئے ہندوستانیوں کو واپس لانے کے لیے حکومت کی طرف سے اٹھائے گئے تمام اقدامات سے آگاہ کیا۔

وزیر نے اراکین کو یہ بھی بتایا کہ ابتدائی ایڈوائزری جاری ہونے کے بعد تقریباً 17,000 ہندوستانی شہری یوکرین چھوڑ چکے ہیں۔ اس میں کچھ ایسے ہندوستانی بھی شامل ہیں جنہوں نے پہلے کیف میں ہندوستانی سفارت خانے میں رجسٹر نہیں کیا تھا۔

اس کے علاوہ آپریشن گنگا کے تحت پروازوں میں اضافہ کیا گیا ہے۔ انہوں نے یہ بھی بتایا کہ گزشتہ 24 گھنٹوں کے دوران 'آپریشن گنگا' کے تحت چھ پروازیں ہندوستان میں اتری ہیں، جس سے پروازوں کی کل تعداد 15 ہوگئی ہے۔ ان میں سے آٹھ پروازیں بخارسٹ سے، پانچ بوڈاپیسٹ سے اور دو پولینڈ کے ریجوئے سے آئی ہیں۔

Just completed a MEA consultative committee meeting on developments in Ukraine.

A good discussion on the strategic and humanitarian aspects of the issue.

Strong and unanimous message of support for efforts to bring back all Indians from Ukraine. pic.twitter.com/QU6I7wtr6d

— Dr. S. Jaishankar (@DrSJaishankar) March 3, 2022

جب کہ سکریٹری خارجہ شرنگلا نے ممبران کو بتایا کہ ہندوستانی فضائیہ کے ٹرانسپورٹ طیارے آپریشن گنگا میں شامل ہو گئے ہیں اور صبح تک چاروں طیارے بوڈاپیسٹ، ریجوئے اور بخارسٹ سے دہلی واپس لوٹ گئے، جن میں تقریباً 800 ہندوستانی شہری تھے، جن میں زیادہ تر طالب علم تھے۔

انہوں نے کہا کہ ہندوستانی فضائیہ کا طیارہ اگلے 24 گھنٹوں میں مزید ہندوستانیوں کو لائے گا۔ اس میٹنگ میں کانگریس لیڈر راہل گاندھی اور ایم پی ششی تھرور نے بھی شرکت کی۔ انہوں نے جنگ زدہ ملک سے ہندوستانیوں کو نکالنے کی حکومت کی کوششوں کی حمایت کی۔

ٹویٹر پر ششی تھرور نے لکھا کہ چھ سیاسی جماعتوں کے نو ایم پیز نے شرکت کی۔ کانگریس کے ممبران پارلیمنٹ راہل گاندھی، آنند شرما اور میں (تھرور) موجود تھے۔ خوشگوار ماحول میں بات چیت ہوئی اور یہ ایک یاد دہانی تھی۔ قومی مفادات، ہم سب پہلے ہندوستانی ہیں۔

ششی تھرور نے کہا کہ میٹنگ میں شامل ارکان پارلیمنٹ نے وزارت خارجہ سے بیان جاری کرنے کی درخواست کی ہے۔

Excellent meeting of the Consultative Committee on External Affairs this morning on #Ukraine. My thanks to ⁦@DrSJaishankar⁩ & his colleagues for a comprehensive briefing & candid responses to our questions &concerns. This is the spirit in which foreign policy should be run. pic.twitter.com/Y3T3UIrm9z

— Shashi Tharoor (@ShashiTharoor) March 3, 2022

انہوں نے لکھا، "میں نے میڈیا کی درخواست پر کوئی تبصرہ نہیں کیا کیونکہ یہ ایک خفیہ میٹنگ تھی۔ تاہم، ہم نے وزارت خارجہ سے تفصیلی بیان جاری کرنے کی اپیل کی ہے۔

میٹنگ میں شرکت کے بعد شیوسینا کی رکن پارلیمنٹ پرینکا چترویدی نے کہا کہ محترم وزیر ڈاکٹر جے شنکر کی صدارت میں مشاورتی کمیٹی کی میٹنگ میں شرکت کی۔ خارجہ سکریٹری ہرش وردھن شرنگلا جی نے ہمیں یوکرین کی صورتحال اور انخلاء کی کوششوں کے بارے میں بتایا۔ بریفنگ کے لیے آپ کا شکریہ۔ ہم سب اپنے طلباء کو وطن واپس لانے کی کوششوں میں متحد ہیں۔

خیال رہے کہ 21 رکنی کمیٹی کی صدارت وزیر خارجہ ایس۔ جے شنکر نے کی تھی۔