نیو دہلی: اودے پور کے افسوسناک واقعے کے خلاف ہندوستان میں میں غم و غصہ ہے- خاص طور سے مسلم تنظیموں نے اس واقعہ کو انسانیت اور اسلام کے خلاف قرار دیا ہے -ملک کے کونے کونے سے سے علمائے دین اور دانشور حضرات نے اس قتل کو خوفناک واقعہ قرار دیا ہے اور قاتلوں کے جلد سے جلد سخت سزا دینے کا مطالبہ کیا ہے -

ملک کے ممتاز مسلم دانشوروں اور مسلم تنظیموں کی جانب سے اس واقعے کے بعد مسلسل مذمتی بیانات جاری کیے جارہے ہیں اور ملک میں امن وامان  برقرار رکھنے کی اپیل کی جا رہی ہے-

جمعیتہ علماء ہند اور جماعت اسلامی ہند کے ساتھ متعدد تنظیموں نے اس واقعے کو افسوسناک اور غیر انسانی قرار دیا ہے

جمعیۃ علماء ہند نے ادے پور واقعہ کی مذمت کرتے ہوئے اسے اسلام اور ملک کے قانون کے منافی قرار دیا ہے۔جمعیۃ علماء ہند کے جنرل سکریٹری مولانا حلیم الدین قاسمی نے کہا کہ ادے پور میں وحشیانہ قتل کا واقعہ بظاہر ایک بے رحمانہ قتل تھا۔ یہ توہین کے بہانے کیا گیا ہے جو ملک کے قانون اور مذہب کے خلاف ہے۔

انہوں نے کہا کہ جس نے بھی یہ واردات کی ہے اسے کسی بھی طرح درست قرار نہیں دیا جا سکتا۔ یہ ملک کے قانون اور ہمارے مذہب کے خلاف ہے۔ ہمارے ملک میں قانون کی حکمرانی ہے۔ قانون کو اپنے ہاتھ میں لینے کا کسی کو حق نہیں۔

مولانا حکیم الدین قاسمی نے ملک کے تمام شہریوں سے اپیل کی کہ وہ اپنے جذبات پر قابو رکھیں اور ملک میں امن برقرار رکھیں۔

اودے پور میں درزی کے ہولناک قتل کے بعد پوری ریاست میں غم و غصہ ہے۔ راجستھان حکومت نے منگل کو اگلے ایک ماہ تک تمام اضلاع میں سی آر پی سی کی دفعہ 144 نافذ کرنے کا اعلان کیا ہے۔ ریاست کے کئی شہروں میں انٹرنیٹ سروس بھی 24 گھنٹے کے لیے بند کر دی گئی ہے۔

ریاستی حکومت نے معاملے کی تحقیقات کے لیے ایک خصوصی تحقیقاتی ٹیم تشکیل دی ہے۔ ایس آئی ٹی میں ایڈیشنل ڈائرکٹر جنرل آف پولیس (اے ڈی جی)، اسپیشل آپریشنز گروپ اشوک کمار راٹھور، انسپکٹر جنرل آف پولیس (آئی جی)، انسداد دہشت گردی اسکواڈ (اے ٹی ایس) پرفل کمار اور سپرنٹنڈنٹ آف پولیس (ایس پی) رینک کا افسر شامل ہے۔ ادے پور کے ڈویژنل کمشنر راجندر بھٹ نے لوگوں سے امن برقرار رکھنے کی اپیل کی ہے۔

ہم ادے پور کے لوگوں سے امن برقرار رکھنے کی اپیل کرتے ہیں۔ متاثرہ کنہیا لال کے زیر کفالت افراد کو یو آئی ٹی میں پلیسمنٹ سروس کے ذریعے بھرتی کرنے کی یقین دہانی کرائی گئی ہے اور خاندان کو 5 لاکھ روپے کا معاوضہ دیا جائے گا۔

اجمیر کے ایس پی وکاس شرما نے کہا، راجستھان کے ہر ضلع میں پولیس ہائی الرٹ پر ہے، موجودہ صورتحال کو دیکھتے ہوئے پورے ضلع کے ساتھ ریاست میں دفعہ 144 نافذ کر دی گئی ہے۔ امن مارچ کو منتظمین نے منسوخ کر دیا ہے۔ لوگوں سے امن برقرار رکھنے کی اپیل کی گئی ہے۔

پولیس نے بتایا کہ حملہ آوروں میں سے ایک کی شناخت ریاض اختر کے نام سے ہوئی ہے۔ اس نے کنہیا لال پر تیز دھار ہتھیار سے حملہ کیا جبکہ دوسرے غوث محمد نے اپنے موبائل فون پر جرم ریکارڈ کر لیا۔ مقتول نے حال ہی میں نوپور شرما کی حمایت میں ایک سوشل میڈیا پوسٹ شیئر کی تھی۔

بی جے پی کی سابق ترجمان جنہوں نے پیغمبر اسلام کے خلاف متنازعہ تبصرہ کیا تھا۔ قتل کے بعد علاقے کی مقامی مارکیٹیں بند کر دی گئیں کیونکہ تاجروں نے مقتول کے لیے انصاف کا مطالبہ کیا تھا۔ ادے پور کے ایس پی منوج کمار نے کہا، "دونوں ملزمین کو حراست میں لے لیا گیا ہے اور امن و امان کی صورتحال قابو میں ہے۔ کچھ لوگ مضافاتی علاقوں سے باہر آنے کی کوشش کر رہے تھے، لیکن انہیں قابو کر لیا گیا۔ قریبی علاقوں میں کرفیو نافذ کر دیا گیا ہے۔