آواز دی وائس، لکھنو

ریاست اترپردیش کے ضلع شاملی کے کیرانہ سے تعلق رکھنے والے پستہ قد کے عظیم منصوری شادی کے لیے پھر پریشان نظر آ رہے ہیں۔ ان کی لمبائی محض ڈھائی فٹ ہے۔

اٹھائس سالہ عظیم منصوری کا قد ڈھائی فٹ ہے۔ وہ شادی کے لیے بہت پریشان ہیں۔ اس سلسلے میں جمعرات کو کوتوالی پہنچ گئے اور پولیس اہلکار سے شادی کی درخواست کی۔

 عظیم منصوری تھانے میں

انہوں نے کہا کہ  آپ میرے ساتھ گھر چلیں، میرے والدین سے میری شادی کے لیے سفارش کردیں،میں آپ کا یہ احسان زندگی بھر نہیں بھولوں گا۔

عظیم منصوری تھانے میں 

کوتوالی انچارج انیل کپروان کو شکایتی خط دیتے ہوئے عظیم منصوری نے کہا کہ گزشتہ سال 9 مارچ2021 کو ان کے والدین نے ہاپوڑ کی رہنے والی بشریٰ نامی ایک لڑکی سے اس کا رشتہ پکا کر دیا تھا۔ منگنی کو ایک سال سے زیادہ ہو گیا ہے لیکن ابھی تک شادی نہیں ہوئی۔

عظیم منصوری کپڑے کی دکان  میں کام کرتے ہیں۔

ذرائع کا کہنا ہے کہ ان کی ہونے والی بیوی بشریٰ کے والدین نکاح کے لیے تیار ہیں تاہم ان کے والدین کا کہنا ہے کہ ان کے مزید دو بھائیوں کے ساتھ بشریٰ کی شادی کر دی جائے گی۔

عظیم منصوری نے کہا کہ میرے والدین کو ہدایت کی جائے کہ وہ دو دن میں میری شادی کر دیں۔

عظیم منصوری اپنے گھرمیں

اس معاملے میں کوتوالی انچارج کا کہنا ہے کہ عظیم منصوری ان کے پاس آئے تھے۔ ان کی شکایت درج کر لی گئی ہے۔ اہل خانہ سے بات کرکے ان کی شادی کی کوشش کی جائے گی۔