آواز دی وائس، بنگلورو
ریاست کرناٹک میں حجاب تنازعہ کے درمیان تعلیم سے جڑا ایک اور معاملہ سامنے آگیا ہے۔ اب ریاستی حکومت نے نصاب سے شیر میسور ٹیپو سلطان سے متعلق مضامین کو ہٹانے کا فیصلہ کیا ہے۔
وزیر تعلیم بی سی ناگیش نے بتایا کہ ریاستی اسکولوں میں تاریخ کے کچھ ابواب کے نصاب میں ترمیم کی جائے گی۔ اس میں 18ویں صدی کے حکمران ٹیپو سلطان سے متعلق ابواب میں تبدیلی کیا جانا ہے۔
تاہم کانگریس نے اس پر بھی تعلیم کےبھگوا کرن کا الزام لگایا اور کہا کہ کتابوں میں تاریخ کو تبدیل کرنے کی کوشش کی جارہی ہے۔
وزیر تعلیم بی سی ناگیش نے کہا،’پہلے ٹیپو سلطان کے بارے میں بہت سے جھوٹے منظرنامے بنائے گئے تھے۔ ٹیپو سلطان کے بارے میں صحیح تاریخ کو بچوں کی تعلیم میں شامل کیا جانا چاہیے تاکہ وہ شروع سے ہی صحیح معلومات حاصل کر سکیں۔ اب ہم نے ایسے بہت سے پہلوؤں کا جامع اور بہتر طریقے سے شامل کیا ہے جس سے یہ مزید بامعنی ہو گا۔
کرناٹک حکومت کی طرف سے تیار کردہ کمیٹی کی رپورٹ میں ٹیپو سلطان پر ’قابل فخر مواد‘ کو کم کرنے کی سفارش کی گئی ہے۔ روہت چکرتیرتھ کی سربراہی والی اس کمیٹی نے چند ہفتے قبل اپنی رپورٹ پیش کی ہے۔
اس کے بعد ریاستی حکومت نے نصابی کتب میں تبدیلی کرنے کی ہدایات بھی جاری کی ہیں۔ کمیٹی نے تجویز دی ہے کہ ٹیپو سلطان پر ابواب باقی رہنے چاہئیں لیکن تعریف کرنے والے مواد کو کم کیا جانا چاہیے۔
کانگریس ایم ایل اے پریانک کھرگے نے کہا، ’مسئلہ آئی سی ایس ای اور سی بی ایس ای کا نصاب ہے، خاص طور پر تاریخ، بی جے پی کے بیانیہ میں فٹ نہیں بیٹھتی ہے۔ وہ کبھی کسی تاریخی جدوجہد یا آزادی کی جدوجہد کا حصہ نہیں رہے ہیں۔
اب وہ اپنے خیالات کا اشتراک کرتے ہیں۔ کتابوں میں بھرنا چاہتے ہیں تاکہ وہ بھی تاریخ میں کوئی مقام حاصل کر سکیں۔انہوں نے مزید کہا کہ میں بی جے پی سے پوچھتا ہوں کہ ساورکر کو ویر کا خطاب کس نے دیا؟ سبھی جانتے ہیں کہ نیتا جی اور باپو کا خطاب کس نے دیا ہے لیکن ساورکر کے بارے میں ایسی کوئی معلومات نہیں ہے۔
کانگریس ایم ایل اے اجے سنگھ نے کہا، ’مجھے سمجھ نہیں آرہا ہے کہ حکومت کیا کرنا چاہتی ہے۔ جہاں فرقہ وارانہ ہم آہنگی ہے، وہ چھیڑ چھاڑ کرتے ہیں۔ پہلے حجاب کو لے کر تنازع ہوا اور اب حکومت گاؤں کی سطح پر اپنی بنیاد کھو چکی ہے۔ تقسیم کی سیاست کر رہے ہیں، اس لیے اقلیتوں کو نشانہ بنا رہے ہیں، انہیں ترقیاتی سیاست کرنی چاہیے نہ کہ تقسیم کرو اور حکومت کرو۔‘
