نئی دہلی
کووڈ کی مہلک ترین وبا کے درمیان ایک اہم سفارتی پیشرفت میں ہندوستان نے امریکہ اور جاپان کی طرز پر روس کے ساتھ وزرائے خارجہ اور دفاع کے مابین ٹو پلس ٹو مذاکرات شروع کرنے کا اعلان کیا ہے وزیر اعظم نریندر مودی نے یہ اعلان روسی صدر ولادیمیر پوتن کے ساتھ ٹیلیفون پر گفتگو کے بعد ٹویٹر پر کیا۔
مسٹر مودی نے کہا کہ اپنی مضبوط اسٹریٹجک شراکت داری کو مزید تقویت دینے کے لئے ، صدر پوتن اور میں نے اپنے وزیر خارجہ اور وزیر دفاع کے مابین دو جمع دو وزارتی مذاکرات کا نظام قائم کرنے پر اتفاق کیا ہے ۔
انہوں نے صدر پوتن کے ساتھ گفتگو میں کووڈ کی صورتحال پر بھی تبادلہ خیال کیا۔
