نئی دہلی

سپریم کورٹ نے ریاستوں میں مہاجر بچوں اور مزدوروں کے بچوں کی تعداد کے ساتھ ساتھ انہیں ملنے والے فوائد سے متعلق اعدادو شمار پیش کرنے کا ریاستی حکومتوں کو منگل کو حکم دیا۔

چیف جسٹس شرد اروند بوبڈے، جج اے ایس بوپنا اور جج وی راما سبرانیم کی بنچ نے ’چائلڈ رائٹ ٹرسٹ‘ کی طرف سے دائر عرضی پر سماعت کے دوران ریاستی حکومتوں کو ڈیٹا دستیاب کرانے کی ہدایت دی۔

عرضی میں خاص طورپر کووڈ۔19وبا کے دوران آئین کے آرٹیکل 14,15,19,21, 21A, 39اور 47کے تحت مہاجر بچوں اور مہاجر کنبوں کے بچوں کے بنیادی حقوق کو نافذ کرنے کی مانگ کی گئی ہے۔

غیر سرکاری تنظیم کی طرف سے پیش سینئر وکیل جیانا کوٹھاری نے بنچ سے درخواست کی کہ وہ نہ صرف جواب کے لئے ہدایت دیں بلکہ ریاستوں سے مہاجر بچوں کی تعداد فراہم کرنے کی درخواست کریں، ساتھ ہی انہیں ریاست کی طرف سے دیئے گئے فوائد کے بارے میں بھی بتائیں۔

عدالت نے اس کے بعد ریاستوں کو تعداد فراہم کرنے کے ساتھ ساتھ ان ریاستوں میں بچوں پر اسٹیٹس رپورٹ دینے کی بھی ہدایت دی۔

(ان پٹ ایجنسی)