نئی دہلی ۔ ہندوستانی فوجی کیمپوں میں نوجوانوں کوفوج میں شامل ہونے کے لئے ذہنی اور جسمانی طور پر تیاری کرائی جارہی ہے۔اس سلسلے میں فوجی افسران باقاعدہ نوجوانوں کوچنگ دے رہے ہیں۔بنیادی معلومات کے ساتھ تعلیمی تیاری اور جسمانی فٹ نیس پرتوجہ دی جارہی ہے۔مثبت بات یہ ہے کہ اس کوشش کا بہت اچھا اثر پڑ رہا ہے۔،نوجوان اس میں بڑھ چڑھ کر حصہ لے رہے ہیں۔

مستقبل قریب میں ہندوستانی فوج میں بھرتی کا سلسلہ شروع ہونے والا ہے جس کے پیش نظر یہ قدم اٹھایا ہے تاکہ دور دراز کے نوجوانوں کو کسی قسم کی مشکل نہ ہو ۔انہیں تعلیمی لیاقت اور جسمانی فٹ نیس کی بنیاد پر تیار ہونے کا مناسب موقع مل سکے۔

لارک پورا فوجی کیمپ میں اس سلسلے میں ہوئے ایک چالیس نوجوانوں نے شرکت کی۔فوجی ذرائع کے مطابق ایسے پروگرام بہت کامیاب ہورہے ہیں۔ ہندوستانی فوج کے مختلف کیمپوں میں کشمیری بچوں اور نوجوانوں کو تعلیمی اور کھیل کود کے مواقع فراہم کئے جارہے ہیں ۔

 کیمپ میں ایک فوجی کی باتوں کو غور سے سنتے نوجوان

جس کا مقصد دور دراز کے علاقوں میں کسی بھی قسم کی کمی کو دور کرنا ہے ،ساتھ ہی فوج کے ساتھ عوام کا رابطہ مضبوط کرنا ہے جو کشمیر کے مختلف علاقوں میں عام زندگی میں بھی مددگار ثابت ہورہی ہے۔ حال ہی میں ایک واقعہ ہوا جب ایک حاملہ خاتون کو فوجیوں نے پانچ کلو میٹر تک شدید برفباری اور بارش میں کندھوں پر لاد کر اسپتال پہنچانے میں مدد کی تھی۔

جسمانی کسرت اور دوڑ میں حصہ لیتے نوجوان