بھبنیشور

تیسری صنف کے ساتھ بھیدبھائوکو ختم کرنے کی حکومتی سطح پر کوششیں جاری ہیں۔ اسی کے تحت اڈیشہ حکومت نے ایک اہم اعلان کیاہے۔ ایک اہم فیصلے میں اوڈیشہ حکومت نے ٹرانسجینڈر برادری کو ریاستی پولیس محکمہ میں کانسٹیبل اور سب انسپکٹروں کے عہدوں کے لئے درخواست دینے کی اجازت دے دی ہے۔

اوڈیشہ پولیس نے ایک نوٹیفکیشن جاری کیا ہے جس میں سب انسپکٹرز اور کانسٹیبل پوسٹوں کی بھرتی میں ٹرانس افراد کو ان خالی اسامیوں کے لئے اہل بناتے ہوئے درخواستوں کی دعوت دی گئی ہے۔

اوڈیشہ پولیس بھرتی بورڈ نے 477 سب انسپکٹرز اور 244 کانسٹیبلز (مواصلات) کی تقرری کے لئے مردوں ، خواتین اور ٹرانسجینڈر لوگوں سے آن لائن درخواستیں طلب کیں۔ درخواست پورٹل 22 جون سے 15 جولائی تک کھلا رہے گا۔

اس فیصلے کا خیرمقدم کرتے ہوئے ، آل اوڈیشہ ٹرانسجینڈر ویلفیئر ایسوسی ایشن کی چیئرمین میرا پریڈا نے کہا: "ہم ،جنسی مساوات اور ٹرانسجینڈر برادری کی ترقی کی طرف اس فیصلے پر وزیر اعلی اور محکمہ داخلہ کا شکریہ ادا کرتے ہیں۔

اس اقدام سے نہ صرف ان کے اعتماد میں اضافہ ہوگا بلکہ ٹرانسجینڈر افراد کے بارے میں معاشرے کے تاثر کو تبدیل کیا جاسکے گا۔ " (ایجنسی ان پٹ )