آواز دی وائس /  نئی دہلی

مرکزی حکومت ملک بھر کی قیمتی وقف جائیدادوں کے تجارتی از سر نو استعمال کے لیے ایک ہزار کروڑ روپے کی ایک بڑی اسکیم بنا رہی ہے۔ یہ اسکیم جنوری میں ای ایف سی کے سامنے پیش کی جائے گی۔ اقلیتی امور کی یہ منصوبہ بندی ممبئی دہلی اتر پردیش حیدرآباد بنگلورو جیسے شہروں میں موجود ان وقف پلاٹس کی تعمیر نو کے لیے ہے جن کی قیمت ہزاروں کروڑ ہے لیکن برسوں سے قبضوں تنازعات اور کمزور انتظام کی وجہ سے استعمال نہیں ہو پا رہے۔

مجوزہ ماڈل میں ریاستی وقف بورڈ ناوادکو اور نجی کمپنیاں مل کر اسپتال تجارتی ٹاور تعلیمی ادارے اور رہائشی کمپلیکس جیسے منصوبے تیار کریں گے۔ ان کے لیے طویل مدتی آمدنی کی شراکت یا لیز کا نظام رکھا جائے گا۔آئی آئی ٹی دہلی اس پورے ڈھانچے اور معاہداتی طریقے پر وزارت کی رہنمائی کر رہا ہے۔ ناوادکو کا کام منصوبہ بندی سرمایہ کاروں کو جوڑنا اور یہ یقینی بنانا ہے کہ وقف زمین کی مذہبی حیثیت برقرار رہے۔ یہ کوشش ایسے وقت میں ہو رہی ہے جب مرکز کے امید پورٹل پر وقف جائیدادوں کی لازمی ڈیجیٹل رجسٹریشن چھ دسمبر کو ختم ہو چکی ہے اور اندازاً آٹھ لاکھ جائیدادوں میں سے صرف دو لاکھ سولہ ہزار کا اندراج مکمل ہو سکا ہے۔

تقریباً تین لاکھ درخواستیں زیر التوا ہیں جس کی وجہ سے دو ہزار چھبیس کے آغاز میں وقف ٹربیونلز پر بڑا قانونی دباؤ پڑنے کا امکان ہے۔ وزیر کیرن رجیجو نے بغیر جرمانے کے تین ماہ کی مہلت تو دے دی ہے لیکن اپ لوڈ کی آخری تاریخ بڑھانے سے انکار کیا ہے۔ریاستوں کے اعداد و شمار میں بڑا فرق ہے۔ کرناٹک پنجاب جموں و کشمیر اور گجرات نے بہترین کارکردگی دکھائی ہے اور ملک کے نصف سے زیادہ مکمل اندراج انہی ریاستوں سے ہوا ہے۔ جبکہ مغربی بنگال دہلی کیرالہ اور اتر پردیش میں رجسٹریشن بہت کم ہے۔

اتر پردیش میں سب سے زیادہ وقف جائیدادیں ہیں لیکن سنی اور شیعہ بورڈ صرف گیارہ فیصد اور پانچ فیصد اندراج کر سکے۔ مہاراشٹر نے اٹھالیس فیصد کی اچھی پیش رفت دکھائی۔ ان اعداد سے واضح ہے کہ نئے وقف ترمیمی قانون دو ہزار پچیس کے باوجود کئی ریاستیں ڈیجیٹل تبدیلی کی رفتار نہ پکڑ سکیں۔

مرکز کی یہ منصوبہ بندی اب صرف ڈیجیٹل نظام تک محدود نہیں رہی بلکہ وقف جائیدادوں کو قومی سطح پر معاشی طور پر کار آمد بنانے کی سمت فیصلہ کن قدم ہے۔ ای ایف سی میں منظوری ملتے ہی ملک بھر میں وقف زمین پر بڑے تجارتی منصوبے شروع ہو سکیں گے۔ اس سے وقف اداروں کی مالی حالت بہتر ہوگی اور شہروں میں جدید بنیادی ڈھانچے کی تعمیر کو نئی سمت ملے گی۔ مرکز کی چھ ماہ کی قومی مہم وقف جائیدادوں کے ڈیجیٹل اندراج کے ساتھ اس ہفتے مکمل ہو گئی۔ ملک میں موجود اندازاً 8 لاکھ وقف جائیدادوں میں سے صرف ایک چوتھائی سے کچھ زیادہ جائیدادوں کا اندراج امید پورٹل پر ہو سکا۔ اس دوران اتر پردیش ملک کی سب سے بڑی وقف جائیداد رکھنے والی ریاست کے طور پر سامنے آیا۔

 یاد رہے کہ امید پورٹل 6 جون کو وزیر اقلیتی امور کیرن رجیجو نے شروع کیا تھا۔ وقف ترمیمی قانون اور سپریم کورٹ کی ہدایات کے مطابق پورٹل پر اپ لوڈ کی مہلت 6 دسمبر رات 11 بج کر 59 منٹ پر ختم ہو گئی۔وزارت کے مطابق اس مدت میں 5,17,000 جائیدادوں کا اندراج شروع کیا گیا۔ 2,16,905 کو منظور کیا گیا۔2,13,941 درخواستیں جانچ میں زیر التوا ہیں۔ 10,869 درخواستیں مسترد ہوئیں۔

وزارت نے بتایا کہ آخری تاریخ کے قریب اندراج میں تیزی آئی۔ یہ تیزی جائزہ میٹنگوں تربیتی ورکشاپوں زونل مشاورت اور خصوصی ہیلپ لائن کے باعث آئی۔ اقلیتی امور کے سکریٹری چندر شیکھر کمار نے 20 سے زیادہ جائزہ میٹنگیں کیں۔اس کوشش کے باوجود مجموعی کارکردگی کمزور رہی۔ ملک بھر میں موجود اندازاً 8 لاکھ وقف جائیدادوں میں سے صرف 27 فیصد کی منظوری ہو سکی۔

اتر پردیش میں تقریباً 2,40,000 وقف جائیدادیں ہیں۔ لیکن اندراج محدود رہا۔ صرف 12,982 سنی یعنی 11 فیصد اور 789 شیعہ یعنی 5 فیصد جائیدادیں منظور ہوئیں۔مغربی بنگال میں 80,480 وقف جائیدادیں ہیں لیکن اندراج سب سے کم رہا۔ صرف 716 جائیدادیں درج ہوئیں جو 0.89 فیصد بنتا ہے۔کرناٹک نے بہترین کارکردگی دکھائی۔ یہاں 52,917 یعنی 81 فیصد جائیدادوں کا اندراج منظور ہوا۔ جموں و کشمیر میں 25,046 یعنی 77 فیصد اور پنجاب میں 24,969 یعنی 90 فیصد اندراج ہوا۔ مہاراشٹر میں 36,700 میں سے 17,971 یعنی 48 فیصد جائیدادیں درج ہوئیں۔

امید پورٹل کا مقصد وقف نظام کو بہتر بنانا ہے۔ اس میں ریکارڈ کو مرکزی سطح پر لانا جیو ٹیگنگ کرنا اور ایک متحدہ قومی ڈیجیٹل فہرست تیار کرنا شامل ہے۔ اس کا عمل 3 مرحلوں میں ہے۔ منتظمین کی جانب سے اندراج وقف بورڈ افسران کی جانچ اور آخر میں بورڈ سی ای او کی منظوری۔وزارت نے کہا کہ پہلا مرحلہ مکمل ہونا وقف جائیدادوں کے شفاف اور موثر انتظام کی طرف ایک بڑا قدم ہے۔ یہ جائیدادیں ملک میں کمیونٹی ملکیت والی سب سے بڑی املاک میں شامل ہیں۔