آواز دی وائس، نئی دہلی

 سپریم کورٹ نے گوردوارہ ننکانہ صاحب اور پاکستان کے کچھ دوسرے گوردواروں کی زیارت رسائی کی اجازت دینے کے لیے مرکزی حکومت کو ہدایت دینے کی درخواست پر سماعت کرنے سے انکار کر دیا ہے۔

کچھ عقیدت مند گرو نانک دیو کے 551 ویں یوم پیدائش پر منعقد ہونے والے پروگرام کے سلسلے میں وہاں جانا چاہتے تھے۔ یہ درخواست گوردوارہ دشمیش دربار نے 18 اکتوبر کو وزارت داخلہ کی جانب سے موصول ہونے والے جواب کے خلاف دائر کی تھی۔

وزارت داخلہ نے 23 اکتوبر2021 سے یکم نومبر یا یکم سے 11 نومبر2021 کے درمیان 55 زائرین کو پاکستان جانے کی اجازت دینے سے انکار کر دیا تھا کیونکہ COVID-19 وبائی امراض کی وجہ سے لگائی گئی پابندیاں تھیں۔

وزارت نے 17 نومبر2021 کےبعد کی تاریخوں پر پاکستان آنے کا شیڈول طے کرنے کو کہا تھا۔ اس وقت سفر کی اجازت پر غور کیا جا سکتا ہے۔

وزارت داخلہ نے پنجاب حکومت کے ذریعے بھیجنے کی اجازت بھی مانگی تھی۔

مرکزی حکومت کے فیصلے میں مداخلت کرنے سےانکار کرتے ہوئےجسٹس ایس کے کول اورجسٹس ایم ایم سندریش کی بنچ نے کہا کہ کووڈ کی وبا کی وجہ سے نقل و حرکت سے متعلق پابندیاں عائد کی گئی ہیں۔

عوامی مفاد میں ان کی پیروی ضروری ہے۔ انہوں نے کہا کہ اس بیچ میں کئی معمر افراد بھی شامل ہیں، ان کا مزید خیال رکھنے کی ضرورت ہے۔ بنچ نے آئین کے آرٹیکل 32 کا حوالہ دیتے ہوئے گردوارہ کی عرضی کو خارج کر دیا۔